پۆلیسی هەڵەبجە: پارەی (ATM)ەکە هەمووی کۆکراوەتەوە

میدیاکان

ئامێرێکی ATM لەناو هەڵەبجە

 لە کاتی تێکردنی پارە لە یەکێک لە  ATM ی راکێشانی پارە لە پارێزگای هەڵەبجە، بڕە پارەیەکی زۆر بڵاودەبێتەوە و ووتەبێژی بەڕێوەبەرایەتی پۆلیسی هەڵەبجەش رایدەگەیەنێت: بەهۆی بای بەهێزەوە بووە و توانراوە سەرجەمی کۆبکرێتەوە.

 ئاکام قوتبەدین ئاغاوەیس ووتەبێژی بەڕێوەبەرایەتی پۆلیسی پارێزگای هەڵەبجە، لە راگەیەندراوێکیدا ئاماژەی بەوەکردووە: سەبارەت بەبڵاوبونەوەی گرتەی ڤیدیۆیەک لە کەناڵەکانی ڕاگەیاندن و تۆڕەکۆمەڵایەتیەکان،  کەدەردەکەوێت لەنزیک ئامێرێکی ATM لەناو شاری هەڵەبجەدا  بڕەپارەیەک با دەیبات.

 ئاماژەی بەوەشکردووە:  دوای بەدواداچون و پەیوەندی کردن بەتیمی بانکی RTB  پێیان ڕاگەیاندین کە ڕوداوەکە لەکاتێکدا ڕوویداوە کە تیمەکانیان سەرقاڵی دانانی پارەبون لەناو ئامێرەکەدا سەری یەکێک لەوبۆکسانەی کە پارەکەی تێدابوە لاچوەو لەوکاتەدا بایەکی بەهێز پارەکەی بڵاو کردوەتەوە.

 لە بارەی کۆکردنەوەی پارەکەش، وتەبێژی پۆلیسی هەڵەبجە ئاشکرای کردووە:  توانراوە سەرجەم بڕی پارەکە کۆبکرێتەوە و  هیچ کێشەیەکی تەکنیکی لە ئامێری ATMکەدا نەبووە.

PUKMEDIA