باران بارین بەردەوام دەبێت

میدیاکان

بارانی بەلێزمە

بەڕێوەبەرایەتی گشتی كەشناسی و بومەلەرزەزانی هەرێم، كەشی پێشبینیكراوی 48 سەعاتی بڵاوكردەوەو بەپێی پێشبینیەکە باران بارین بەردەوام دەبێت و لە ناوچە سنووریەکانیش بەفر دەبارێت.

کەشناسی هەرێم ئاماژەی بەوەکردووە: ئەمڕۆ سێ شەممە 10ی2ی2026، ئاسمانی هەرێم بە گشتی بەردەوام هەوری دەبێت ،کاریگەری ئەو شەپۆلە باران بارینەی رووی لە ناوچەکەمان کردووە بەردەوامی دەبێت ،هەروەها لە سنووری باشوری ڕۆژهەڵاتی پارێزگای دهۆک دابارینی زیاتر دەبێت هەندێ کات بارانی بە لێزمەو هەورە تریشقەی دەبێت.

 پەیوەست بە کەشی سبەی ، کەشناسی هەرێم پێشبینی دەکات، رۆژی چوارشەممە 11ی2ی2026، ناجێگیری لە کەشی ناوچەکەمان بەردەوام بێت ، باران بارین بە شێوەی نمە بارانی پچڕ پچڕ دەبێت لە زۆربەی ناوچەکەمان ، ئیدارەی ڕاپەڕین و بەشێک لە سنووری ئیدارەی سۆران باران بارینی بە لێزمەی دەبێت لەگەڵ ئەگەری دروست بوونی هەورە تریشقە .ناوچە سنووریەکان بەفر بارینی دەبێت.

PUKMEDIA