وەزارەتی دارایی: چاوەڕێی گەیشتنی تەمویلین و دەستبەجێ مووچە دابەشدەکەین

PUKMEDIA

دراوی عیراقی

وەزارەتی دارایی و ئابوریی رایدەگەیەنێت: لە ئێستادا سەرجەم رێکارە ئیداریی و ژمێریارییەکان لە فەرمانگەی ژمێریاری وەزارەتی دارایی حکومەتی فیدراڵ تەواوکراون و چاوەڕێی گەیشتنی تەمویلەکەین بۆ ئەوەی لە نزیکترین کاتدا دەست بە دابەشکردنی مووچە بکەین.

لەڕاگەیەنراوێکدا وەزارەتی دارایی و ئابوریی رایگەیاند: دوای هەوڵ و بەدواداچونەکانی تیمەکانی وەزارەتمان بۆ خەرجکردنی مووچەی مانگی کانوونی دووەمی فەرمانبەران و مووچەخۆرانی هەرێمی کوردستان، لە ئێستادا سەرجەم رێکارە ئیداریی و ژمێریارییەکان لە فەرمانگەی ژمێریاری وەزارەتی دارایی حکومەتی فیدراڵ تەواوکراون و چاوەڕێی گەیشتنی تەمویلەکەین بۆ ئەوەی لە نزیکترین کاتدا دەست بە دابەشکردنی مووچە بکەین.

ئەمەش لەكاتێكدایە، حكومەتی هەرێمی كوردستان لەساڵی 2025 دا مووچەی مانگەكانی 11 و 12ی دابەشنەكردووەو چارەنووسیان بەنادیاری ماوەتەوە، ساڵی 2024 یش مووچەی مانگی 12 ی دابەشنەكرد، بۆ ئەمساڵیش بەپێی رێككەوتنی نێوان هەرێم و بەغداد، مووچە مانگەكانی 1 و 2 و 3 زامنكراون تا ئەوكاتەی پڕۆژەیاسای بودجەی لەئەنجومەنی نوێنەرانی عیراق پەسند دەكرێت و بەشەبودجەی هەرێمی تێدا دیاریی دەكرێت.

PUKMEDIA