شێخ جەعفەر: دامەزراندنی یەکێتیی نووسەرانی کورد وەرچەخانێکی زێڕین بوو

سەرۆکایەتیی هەرێمی کوردستان

شێخ جەعفەر شێخ مستەفا

جێگری سەرۆکی هەرێمی کوردستان لە ساڵیادی دامەزراندی یەکێتی نووسەرانی کورددا پەیامێک بڵاودەکاتەوەو رایدەگەیەنێت: دامەزراندنی یەکێتیی نووسەرانی کورد لە کاتی خۆیدا، وەرچەخانێکی زێڕین بوو بۆ شۆڕش و خەباتی گەلی کوردستان.

دەقی پەیامەکە..

جێگری سەرۆکی هەرێم پیرۆزبایی لە یەکێتیی نووسەرانی کورد دەکات

لە یادی (٥٦) ساڵەی دامەزراندنی یەکێتیی نووسەرانی کورد، پیرۆزباییەکی گەرم لە مەڵبەندی گشتی یەکێتیی نووسەرانی کورد و سەرجەم ڕۆشنبیر و ئەدیبانی کوردستان دەکەم، هیوای سەرکەوتنیان بۆ دەخوازم. 

دامەزراندنی یەکێتیی نووسەرانی کورد لە کاتی خۆیدا، وەرچەخانێکی زێڕین بوو بۆ شۆڕش و خەباتی گەلی کوردستان، هەم خزمەتێکی بەرچاو بوو بۆ پاراستنی زمان و بەرەوپێشچوونی ئەدەبیات و کولتوور و شوناسی کورد.

ئومێدەوارم لە کاروانی خزمەتکردن بە ڕۆشنبیران و پەرەپێدانی زمان و ئەدەبی کوردی و پێکەوەژیانی ئاشتیانەی نێوان پێکهاتە جیاوازەکانی گەلی کوردستان بەردەوام بن، هەروەها پێگەیەک بن بۆ بەرەوپێشچوونی گیانی نیشتیمانپەروەری و پێگەیاندنی نووسەری ڕاستەقینە و بە ئەزموون و دەوڵەمەندکردنی فەرهەنگی زمانی کوردی.

لە کۆتاییدا، سەری ڕێز و نەوازش دادەنەوێنم بۆ ئەو شەهیدانەی کە لە ڕێگای داکۆکییەکانیان لە زمانی کوردی گیانیان پێشکەش بە کوردستان کرد.

شێخ جەعفەر شێخ مستەفا
جێگری سەرۆکی هەرێمی کوردستان

PUKMEDIA