ئەنجومەنی نوێنەرانی عیراق تاوتوێی گواستنەوەی زیندانیان بۆ عیراق دەکات

PUKMEDIA

ئەنجومەنی نوێنەرانی عیراق

سبەینێ 11ی2ی2026، ئەنجومەنی نوێنەرانی عیراق لەسەر سێ تەوەرە کۆدەبێتەوە و راست و دروستی ئەندامانی ئەنجومەنی نوێنەران و گواستنەوەی زیندانیان لە سوریاوە بۆ عیراق، تەوەری سەرەکی کۆبوونەوەکە دەبێت.

 بەپێی کارنامەی دانیشتنەکە، کە لەلایەن فەرمانگەی راگەیاندنی ئەنجومەنی نوێنەرانەوە بڵاوکراوەتەوە، سبەینێ ئەنجومەنی نوێنەران بۆ سێ تەوەر کۆدەبێتەوە.

 تەوەری یەکەم تایبەت دەبێت، بە پێداچوونەوە بەو تانانە دەکات سەبارەت بە دروستی هەندێک لە پەرلەمانتاران پێشکەشکراون.

تەوەری دووەم، بە ئامادەبوونی وەزیری داد، بریکاری وەزیری ناوخۆ بۆ کاروباری هەواڵگری و جێگری فەرماندەی ئۆپراسیۆنە هاوبەشەکان، گفتوگۆ لەسەر بابەتی زیندانییە گوازراوەکان بۆ عیراق دەکرێت.

 بڕگەی سێیەم و کۆتایی گفتوگۆ دەبێت لەسەر هەندێک پرسی گشتی و کۆبوونەوەکەش سەعات 11ی پێش نیوەڕۆ بەڕێوەدەچێت.

PUKMEDIA