لەپەرلەمانی بەریتانیا داوای پاراستنی رۆژئاڤای کوردستان دەکرێت

ئاژانسەکان

بەریتانیا

زیاتر لە 70 پەرلەمانتار و لۆردی پارتی کرێکاران و پارێزگاران لە بەریتانیا، نامەیەکیان بۆ ئیڤێت کووپەر وەزیری دەرەوەی بەریتانیا ناردوەو تێیدا رایانگەیاندوە: گەلی کورد لە رۆژئاڤا پێویستی بە پاراستنە و دەبێت حکومەت دەستبەجێ هەنگاوبنێت، چونکە وڵاتەکەیان ژن و پیاوانی کوردن کەلە دژی تیرۆر جەنگاون.

زیاتر لە 70 پەرلەمانتار و لۆرد و کەسایەتی نامەیەکیان بۆ ئیڤێت کووپەر وەزیری دەرەوەی بەریتانیا نارد و داوای پاراستنی رۆژئاڤایان کرد و دووپاتیانکردەوە کە وڵاتەکەیان قەرزاری ژن و پیاوانی کوردە کە ساڵانێکە دژی تیرۆری داعش بەرخۆدان دەکەن و هەنگاونان لەم قۆناغە سەختەدا، کەمترین وەڵامە بۆ گێڕانەوەی ئەم قەرزە.

لە نامەکەدا نیگەرانیی خۆیان بەرانبەر هێرش و مەترسییەکانی سەر رۆژئاڤا دەردەبڕن و ڕایدەگەیەنن، بەهۆی هێرشی گرووپەکانی سەر بە ئەحمەد شەرعەوە زیاتر لە 150 هەزار کەس کۆچبەر بوون و بەهۆی هەبوونی تەقەمەنی و پاشماوەکانییەوە هەزاران خەڵکی مەدەنی لە زێدی خۆیان هەڵهاتوون، ئەو گرووپانەش کە هێرشیان کردووەتە سەر هەسەدە ناویان لە لیستی تیرۆری بەریتانیادایە، لەوانەش لیوای حەمزات و سوڵتان موراد و سوڵتان سولەیمان شا کە تاوانبارن بە هێرشکردنە سەر هاوڵاتییانی مەدەنی.

PUKMEDIA