کونسوڵ حەیدەر سوڵتان: سەرۆك مام جەلال هەمیشە لەخەمی گەل و نیشتماندابوو

راگەیاندنی دامەزراوەی سەرۆك جەلال تاڵەبانی

كونسوڵ حەیدەر سوڵتان سەردانی مەزاری سەرۆك مام جەلال-ی كرد

ئەمڕۆ پێنجشەممە 16ی تەمووزی 2026، حەیدەر سوڵتان کونسوڵی عیراق لە فرانکفۆرت ، سەردانی مەزاری سەرۆک مام جەلال یکردوو لە لایەن مەکتەبی سکرتارییەتەوە پێشوازیکرا .

حەیدەر سوڵتان دوایی دانانی تاجەگوڵینەی رێز و وەفاداری لەسەر مەزاری مام ؛ لە دەفتەری یادەوەرییەکاندا بە شکۆوە باسی “لە دیدارێکی دێرینی خۆی و سەرۆک مام جەلال دەکات لە رۆژانی خەباتکردن دژی دیکتاتۆرییەت و، وەک سەرکردەیەکی مەزن و خاوەن بیری قوڵی نیشتمانیی باسی سەرۆک مام جەلالی کرد کە تینووی ئازادی و سەربەستی گەلەکەی بووە “.

لەبەرامبەردا ؛ مەکتەبی سکرتارییەت سوپاسی سەردان و وەفاداری بەڕێز حەیدەر سوڵتان یانکرد ، هاوکات جەختیان لەوە کردەوە کە سەرۆک مام جەلال لە تەواوی تەمەنی تێکۆشانیدا، هەمیشە لە خەمی گەل و نیشتماندا بووە و ژیانی خۆی بەخشی بە بەدیهێنانی ئازادی و چەسپاندنی پێکەوەژیانی ئاشتییانەی نێوان سەرجەم پێکهاتە و گەلانی عیراق.

PUKMEDIA