بەرهەمهێنانی غاز لەكۆرمۆر راگیراو پێدانی كارەبا كەمدەكرێتەوە

PUKMEDIA

كێڵگەی كۆرمۆر

كۆمپانیای دانەغاز، بەهۆی دروستبوونی هەڕەشەی ئەمنی لەكێڵگەی كۆرمۆر، بەرهەمهێنانی غازی بە شێوەیەكی كاتی راگرت، هاوكات وەزارەتی كارەبای هەرێم رایگەیاند: بەرهەمهێنانی كارەبا لەوێستگەكاندا بەبڕی دوو هەزارو 500 مێگاوات كەمی كردووە.

ئەمڕۆ 16ی 7ی 2026، كۆمپانیای دانەغاز رایگەیاند: بەهۆی بوونی هەڕەشە لەسەر ئاسایش و ئاڵۆزبوونی دۆخی ناوچەكە، هەموو دامەزراوە سەرەكییەكانی بەرهەمهێنانی غاز لەكۆرمۆر بە شێوەیەكی كاتی داخران و بەرهەمهێنان لە كێڵگەی كۆرمۆر راگیرا.  

هاوكات وەزارەتی كارەبای حكومەتی هەرێم رایگەیاند: بەهۆكاری گرفتێكی ئەمنی لەكێڵگەی كۆرمۆر هەناردەی غاز بۆ وێستگەكانی بەرهەمهێنانی كارەبا  كەمبووەوە، بەمەش بەرهەمهێنانی كارەبا بەبڕی دوو هەزارو 500 مێگاوات كەمی كرد.

راشیگەیاندووە: ئاگاداری هاوبەشانی كارەبا دەكەینەوە كە ئەم حاڵەتە كاتییەو هەموو لایەنە پەیوەندارەكان لەسەر هێڵن بۆ  دووبارە دەستپێكردنەوەی  هەناردەكردنەوەی غاز بۆ وێستگەكانی بەرهەمهێنانی كارەبا.

PUKMEDIA