دەزگای ئاسایشی هەرێم دەستگیرکردنی سەرۆک باندێکی مافیای مەترسیداری جیهانی ڕادەگەیەنێت

PUKMEDIA

لۆکۆی دەزگای ئاسایشی هەرێم و دەزگای هەواڵگری نیشتمانی

لەئۆپراسیۆنێكی هاوبەشی دەزگای ئاسایشی هەرێم و دەزگای هەواڵگری نیشتمانی عیراق، سەركردەی باندێکی تاوانكاری دەستگیركرا، کە چەندین تاوانیان لەچەندین وڵاتدا ئەنجامداوە، ئۆپراسیۆنەكە لەیەك كاتداو لەچەند پارێزگایەك ئەنجامدرا.

دەزگای ئاسایشی هەرێم لە راگەیەندراوێکیدا   کە کۆپییەکی بۆ PUKMEDIA نێردراوە،ئاماژەی بەوەکردووە:بەپشت بەستن بەزانیاریی ورد و بەدواداچوون لەناوەوە و دەرەوەی وڵات، بەبڕیاری بەڕێز دادوەری لێکۆڵینەوەی ئاسایش لەئۆپراسیۆنێكی هاوبەشی دەزگای ئاسایشی هەرێم و دەزگای هەواڵگری نیشتمانی عیراق، سەركردەی باندێکی تاوانكاری دەستگیركرا، کەفەرمانی دەستگیركردنی ناوخۆیی و نێودەوڵەتی هەبووە و سەر بەتۆڕی (فۆكستڕۆت)ی تاوانکارییە.

روونیشکردەوە:ئەم باندە مەترسیدارە نێودەوڵەتییە چەندین تاوانیان لەچەندین وڵاتدا ئەنجامداوە، ئۆپراسیۆنەكە لەیەك كاتداو لەچەند پارێزگایەك ئەنجامدرا، گرووپە تاوانكارییەكە پلانی هەبووە خاكی عیراق بۆ كردە تاوانكارییەكانیان بەكاربهێنن.

PUKMEDIA