نزار ئامێدی، لەبادینانەوە بۆ كۆشكی سەلام

عیراق 03:23 PM - 2026-01-14

نزار محەمەد سەعید محەمەد، ناسراو بە نزار ئامێدی،  لە 6ی شوباتی 1968 لەقەزای ئامێدی پارێزگای دهۆك لەدایك بووە و خێزاندارەو خاوەنی چوار منداڵە.
نزار ئامێدی،  لەشاری موسڵ خوێندویەتی و لەسلێمانی و بەغداد ژیاوەو كاری كردووە، بۆیە بە كردەوە تێگەیشتنی باشی لەواقعی سیاسی هەرێم و بەغداد هەیە.

پوختەی كارو پیشەی نزار ئامێدی:

 كەسایەتییەكی سیاسی و حكومی و دیپلۆماسی عیراقەو زیاتر لەچوار دەیەیە بەردەوامە لەخزمەتكردنی گشتیی و ئەزمونی لەزۆر بواری بەڕێوەبردندا هەیە، لەوانە، كاركردن لەپۆستە باڵاكانی عیراق، راوێژكاری پلە باڵا لەسێ خولی سەرۆكایەتی كۆماری عیراق و وەزیری ژینگە.

-نزار ئامێدی، پێشینەیەكی دوورو درێژی لەبەڕێوەبردنی دەوڵەتدا هەیە، لەرێككەوتنەكاندا رۆڵی سەرەكی هەبووە، ئەمە جگە لەوەی لەنوێنەرایەتیكردنی وڵاتدا كاری كردووە، ئەكادیمی و تەكنیكی لەگەڵ ئەزموونی سیاسی و دیپلۆماسی ئاوێتەكردووە،  لەڕێككەوتن و تەوافوقی نێوان حكومەتی ناوەندی و هەرێم رۆڵی گرنگی بینیووە.

ـ لە پەیوەندی نێوان حكومەتی فیدراڵی و حكومەتی هەرێمی كوردستاندا كاریكردووە، بۆیە لەئاڵۆزییە دەستووری و سیاسییەكانی ئەم پەیوەندییە تێدەگات و بەشێوەیەكی كردەیی بەشداریی لەچارەسەركردنی كێشەكانی نێوان هەردوو حكومەتدا كردووە، ئەمە جگە لەوەی پەیوەندییەكی بەهێزی لەگەڵ لایەنە كوردستانییەكان و هێزە سیاسییە سەرەكییەكانی عیراقدا هەیە، هۆكاری ئەمەش دەگەڕێتەوە بۆ ئەو خزمەتەی كە لەسەردەمی سەرۆك مام جەلال و  د.فوئاد مەعسوم و د. بەرهەم ساڵح-دا پێشكەشی كردووە.

ـ خاوەن لێهاتوویەكی زۆرە لە كۆكردنەوەی بۆچوونە جیاوازەكان و پاراستنی یەكگرتویی نیشتمانیی.

ئەزموونی نێودەوڵەتی و سیاسەتی گشتی نزار ئامێدی: 

ـ زیاتر لە 20  ساڵە لەپۆستی باڵای حكومی و سیاسی كاردەكات و خاوەن ئەزمونێكی زۆری سیاسی و بەڕێوەبردنە لەوانە: راوێژكاری سەرۆكی كۆمار بەپلەی وەزیر و جێگری وەزیر و وەزیری ژینگە.
ـ لە چەندین كۆنگرەدا نوێنەرایەتی عیراقی كردووە، لەوانە لوتكە عەرەبییەكان (میسر، جەزائیر، تونس، سعودیە، كوێت).
ـ كۆنفرانسی گۆڕانی كەشوهەوای نەتەوە یەكگرتووەكان COP21 – پاریس (2015).
ـ سەرۆكایەتی وەفدی عیراقی بۆ COP28 – ئیمارات (2023).
ـ بەشداری لە كۆبوونەوەكانی كۆمەڵەی گشتی نەتەوە یەكگرتووەكان سەبارەت بەژینگە لە نایرۆبی 2023.
ـ بەشداری لەكۆنفرانسی نەتەوە یەكگرتووەكان بۆ ئاو لەنیویۆرك .
ـ سەردانی رەسمی لەسەر ئاستی باڵا بۆ جنێڤ، واشنتۆن، تاران، ریاز، مەسقەت و سان پترسبۆرگ .
ـ  ئەندامی هەمیشەیی وەفدەكانی سەرۆكایەتی كۆمار بووە.
 ـ بەشداری لە هەماهەنگی سیاسەتی دەرەوە و دیپلۆماسی سەرۆكایەتیدا كردووە.

 كارامەیی و لێهاتووییە سەرەكییەكانی نزار ئامێدی:

ـ  سەركردایەتی و ئیدارەی وڵات
ـ بڕیاری ستراتیژی 
ـ بەستنی رێككەوتنامەی تەوافوقی و ئیدارەدانی هاوپەیمانییەكان
ـ كاركردن لەبواری دەستووری و دامەزراوەیی دەوڵەتدا
ـ راوێژكاری سەرۆكایەتی كۆمار و دەسەڵاتی جێبەجێكار، كاری دیپلۆماسی و نوێنەرایەتی نێودەوڵەتی
ـ بەڕێوەبردنی قەیرانەكان و دانوستان
ـ كاركردن لە بواری ژینگەیی و گەشەپێدانی بەردەوامی ئەو بوارە
ـ كاركردن لەپەیوەندییەكانی  نێوان حكومەتی فیدراڵی و هەرێم
ـ ئەزموونی كردەیی و بەرفراوان لە سەرۆكایەتی كۆماری عیراق

ئەزموونی كارگێڕی لە حكومەت

ـ كاری دیپلۆماسی هەرێمی و نێودەوڵەتی
ـ هەماهەنگی لەگەڵ نەتەوە یەكگرتووەكان و رێكخراوە نێودەوڵەتییەكان

زمانەوانی و ئاستی خوێندن

ـ شارەزایی تەواوی لەزمانەكانی عەرەبی و كوردیدا هەیە
ـ بەكالۆریۆسی لەئەندازیاری میكانیك، كۆلێژی ئەندازیاری زانكۆی موسڵ بەدەستهێناوە

ئەزموونی كاری سیاسی و رێكخراوەیی

ـ ئەندامی سەركردایەتی یەكێتیی نیشتمانیی كوردستان
ـ ئەندامی هاوپەیمانی ئیدارەی دەوڵەت (2022 – تائێستا)
ـ ئەندامی مەكتەبی سیاسی ـ یەكێتیی نیشتمانیی كوردستان (2023 – تائێستا)
ـ لێپرسراوی مەكتەبی سیاسی یەكێتیی نیشتمانیی كوردستان لە بەغدا (2024 – تا ئێستا)
ـ لەنووسینگەی سكرتێری گشتی یەكێتیی نیشتمانیی كوردستان كاری كردووە (1993-2003) 

ئەزموونی پیشەیی

 
ـ وەزیری ژینگە – كۆماری عیراق (2022-2024)
ـ داڕشتن و جێبەجێكردنی سیاسەتی ژینگەیی 
ـ مامەڵەی عیراقی لەگەڵ كەیسەكانی گۆڕانی كەشوهەواو پرسەكانی دیكە باشتر كردووە
ـ نوێنەرایەتی عیراقی لە كۆڕ و كۆڕبەندە نێودەوڵەتییەكان كردووە و سەرۆكی وەفدە رەسمییەكان بووە
ـ پەرەی بەدیپلۆماسی ژینگەیی داوە بەوپێیەی بەشێكە لەئاسایشی نیشتمانی عیراق
ـ لە سەرۆكایەتی كۆماری عیراق راوێژكاری پلە یەك بووە لە نێوان ساڵانی (2005-2022) (بەپلەی وەزیر و یاریدەدەری وەزیر)

بەرپرسیارێتییەكان

ـ راوێژكاری سەرۆك كۆمار 
ـ خاڵی پەیوەندی لەنێوان سەرۆكایەتی و دەسەڵاتی دەستووریی و لایەنە هەرێمییەكان.
ـ پاڵپشتی لەپێكهێنانی حكومەت كردووە و رۆڵی سەرەكی لە بەڕێوەبردنی قەیرانەكاندا بینیوە.
ـ چاودێری بڕیارەكان و نێردەكانی سەرۆكایەتی كردووە (المراسلات الرئاسیە)

 گرنگترین دەستكەوتەكانی

ـ گەرەنتی سەقامگیری دامەزراوەییەكان لەسەرۆكایەتی كۆمار بۆ ماوەی سێ خول
ـ بەڕێوەبردنی قەیرانەكان
ـ بەهێزكردنی رۆڵی دەستوری سەرۆكایەتی كۆماری عیراق


PUKMEDIA