هەسەدە:چەکدارەکان هێرش بکەنە سەر دێرحافر پێشڕەوی زیاتر دەکەین

میدیاکان

دێرحافر

سەرخەبون کۆبانی فەرماندەی هەسەدە و لێپرسراوی ناوچەی دێرحافر رایدەگەیەنێت، ئەگەر  چەکدارانی حکومەتی سوریا هێرش بکاتە سەر دێرحافر، ئێمە پێشڕەوی دەکەین و دەست بەسەر ناوچەی نوێدا دەگرین.

لێپرسراوی ناوچەی دێرحافر رایگەیاند، بڕیاری هەسەدە، بەرەنگاربوونەوەیە لە دێرحافر و مەسکەنە و  بە هەموو ئەو هێزەی هەمانە بەرگری دەکەین.

لە بارەی ئەگەری هێرشی چەکدارەکانیش، سەرخەبون کۆبانی دووپاتی کردەوە،ئەگەر هێرشمان بکەنەسەر، بە توندی وەڵام دەدەینەوە و هێرشبەران پەشیمان دەکەینەوە.

فەرماندەکەی هەسەدە ئاشکراشی کرد، داعش لە ڕێگەی حکومەتی کاتی سوریاوە خەریکی خۆڕێکخستنەوەیە.

پەیوەست بەو چەکدارانەی کە هێرشیان کردە سەر گەڕەکە کوردنشینەکان، لێپرسراوی ناوچەی دێرحافر ئاشکرای کرد،ئەوانەی هێرشیان کردەسەر شێخ مەقسوود داعشن و پێویستە جیهان ئەمە ببینێت.

لە کۆتایشدا، سەرخەبون کۆبانی فەرماندەی هەسەدە و لێپرسراوی ناوچەی دێرحافر ،ئاماژەی بەوەشکرد:چەکدارەکان وەها دەزانن دوای ڕووداوەکەی شێخ مەقسوود ئێمە دەترسین، بەڵام ئەو ڕووداوە ڕقوکینەی ئێمەی بەرامبەریان زیاتر کرد، بۆیە لە دێرحافر، بڕیاری ئێمە هەمان ئەو بڕیارەیە، کە هەڤاڵ (زیاد حەلەب)داویەتی.

PUKMEDIA