وەزارەتی پەروەردە پرۆگرامی خوێندنی بۆ تاقیکردنەوە گشتییەکان کەمکردەوە

راگەیاندنی وەزارەتی پەروەردە

وەزارەتی پەروەردەی هەرێمی کوردستان

وەزارەتی پەروەردەی هەرێمی کوردستان بڕیاریدا پڕۆگرامی خوێندن بۆ تاقیکردنەوە گشتییەکان بۆ پۆلی دوازدەی ئامادەیی لقی (زانستی و وێژەیی) و تاقیکردنەوەی نیشتمانی پۆلی نۆیەمی بنەڕەتی بۆ ساڵی خوێندنی (2025-2026) و ساڵانی داهاتوو کەم بکاتەوە.

 وەزارەتەکە لە گشتاندنێکیدا کە بۆ بەڕێوەبەرایەتی گشتی پەروەردەی هەولێر – سلێمانی – دهۆک – گەرمیان – هەڵەبجە – سۆران – زاخۆ – ڕاپەڕین-ی ناردووە، ئاماژەی بەوە کردووە: بە مەبەستی بەرژەوەندی خوێندکاران، بڕیارماندا ئەو بابەتانەی لە خشتەی هاوپێچدا هاتووە، داواکراو نەبێت بۆ تاقیکردنەوە گشتییەکانی پۆلی دوازدەی ئامادەیی لقی (زانستی و وێژەیی) و تاقیکردنەوەی نیشتمانی پۆلی نۆیەمی بنەڕەتی بۆ ساڵی خوێندنی (2025-2026) و ساڵانی داهاتوو.

بەپێی راگەیەندراوەکەی وەزارەتی پەروەردە، بڕیارەکە بەردەوام دەبێت تا پەرتووکی خوێندن لە لایەن بەڕێوەبەرایەتی گشتی پڕۆگرامەکان و چاپەمەنییەکان ئامادە دەکرێت و گشتاندنی نوێی بۆ دەکرێت.

بابەتە کەمکراوەکان لەم لینکەدایە

PUKMEDIA