د.یوسف گۆران: یەکێتی مەبەستی زامنکردنی مافی کورد و سەرجەم پێکهاتەکانە

راگەیاندنی مەڵبەندی دیراسات

د.یوسف گۆران و لیو جۆن

‌‎ئەمڕۆ چوارشەممە  14ی1ی2026 لە بارەگای مەڵبەندی دراساتی گشتی (ی.ن.ک) لە سلێمانی  د.یوسف گۆران لێپرسراوی مەڵبەندی دیراساتی گشتی یەكێتیی نیشتمانیی كوردستان، پێشوازیکرد لە (لیو جون) کونسوڵی گشتی کۆماری چینی میللی لە هەرێمی کوردستان.

‌‎لە دیدارێکدا دواین گۆڕانکاری و پەرەسەندنە سیاسییەکانی ناوچەکەو هەڵومەرج و پێشهاتە جیاوازەکان گفتوگۆی لەبارەوە کراو جەخت کرایەوە لەسەر گرنگی سەقامگیری سیاسی و ئەمنی لە ناوچەکەدا.

‌‎هەروەها لەبارەی دۆخی سوریا و گرنگی سەقامگیری لەو وڵاتە، تێڕوانینی یەکێتی نیشتمانی کوردستان رونکرایەوە بەمەبەستی زامنکردنی مافی کوردو سەرجەم پێکهاتەکان لەو وڵاتەو پاراستنی ژیان و ماڵ و سامانیان.

‌‎هەر لە کۆبونەوەکەدا هەردوولا جەختیاکردەوە لەسەر پەرەسەندنی زیاتری پەیوەندییەکانی نێوان کۆماری چینی میللی و هەرێمی کوردستان و یەکێتی نیشتمانی کوردستان، بەتایبەت لە رووی سیاسی و ئابوری و رۆشنبیری و کلتوری و ئاڵوگۆڕی زیاتری بازرگانی کلتوری لەنێوان هەردوولا.

PUKMEDIA