ئەنجومەنى وەزیرانى هەرێم کۆدەبێتەوە

نوسینگەى رۆژنامەوانى حکومەتى هەرێم

وێنەى کۆبونەوەیەکى پێشترى ئەنجومەنى وەزیرانى حکومەتى هەرێمى کوردستان

ئەنجومەنی وەزیرانی هەرێم  کۆدەبێتەوە و باس لە رەوشی دارایی هەرێم و بەدواداچون بۆ موچەکانی مانگی 11 و 12 ساڵی پار دەکرێت  و پێداچونەوە بۆ ئاستی جێبەجێکردنی رێککەوتننامەی سێ قۆڵی هەناردەکردنەوەی نەوت گفتوگۆیان لەبارەوە دەکرێت.

ئەمڕۆ چوارشەممە 14ى1ى2026 ، بڕیار وایە ئەنجومەنی وەزیرانی هەرێمی کوردستان کۆببێتەوە و گفتوگۆ لەسەر دوو تەوەری سەرەکی بکەن، لە تەوەری یەکەمدا، پوختەی ساڵی دارایی 2025 و تاووتوێکردنی بارودۆخی دارایی هەرێمی کوردستان بۆ ساڵی دارایی 2026، بەدواداچوونی ئەنجومەنی وەزیران بۆ مووچەی مانگەکانی (11) و (12)ی ساڵی 2025، زامنکردنی خەرجکردنی مووچەی مانگەکانی ساڵی 2026 و شایستە داراییەکانی دیکەی هەرێمی کوردستان لە بودجەی فیدراڵ گفتوگۆى لەسەر دەکرێت.

هاوکات لە تەوەری دووەمدا، جێبەجێکردنی رێککەوتننامەی سێقۆڵیی هەناردەکردنەوەی نەوتی هەرێمی کوردستان بە سەرکەوتوویی لەلایەن هەرێمی کوردستانەوە لە سێ مانگی کۆتایی ساڵی 2025 و بەرەوپێشچوونەکانی بەردەوامبوونی جێبەجێکردنی رێککەوتتنامەکە و خستنەڕووی داتا و زانیارییەکان لەبارەی بڕی نەوتی هەناردەکراو و داهاتی بەدەستهاتووی فرۆشی نەوتی هەرێمی کوردستان بۆ گەنجینەی فیدراڵی گفتوگۆى لەسەر دەکرێت.

PUKMEDIA