دانەغاز: بەرهەمهێنانى غاز لە کۆرمۆر ئاسایى دەبێتەوە

PUKMEDIA

وێنەیەکى هیرشەکەى سەر کۆرمۆر

کۆمپانیای دانەغازى ئیماراتی، رایگەیاند: بەرهەمهێنانی غاز لە کێڵگەی غازی كۆرمۆر گەڕاوەتەوە دۆخی ئاسایی خۆی.

ئاماژەی بەوەشكردووە: دوای بەهێزکردنی رێوشوێنە ئەمنییەکان لەلایەن حکومەتی هەرێمی کوردستان و دەسەڵاتی فیدراڵی، دەستیان بە بەرهەمهێنانی غاز کردووەتەوە، هاوکات سوپاس و پێزانینی خۆشی بۆ هەردوو حکومەت لەبەر پاڵپشتیکردنەکانیان دەربڕیوە.

ئەوەشی روونکردوەتەوە: خۆی و هاوبەشەکانی پابەندن بە سەلامەتی کارمەندەکانیان و دابینکردنی کارەبا و غازی شل بۆ هاووڵاتییانی هەرێمی کوردستان و عیراق.

ئەمەش لە کاتێکدایە سەعات 11:30 دەقیقەی شەوی 26ی 11ی 2025، هێرشێكی درۆنی كرایە سەر كێڵگەی گازی كۆرمۆر له‌سنووری قه‌زای چه‌مچه‌ماڵ له‌پارێزگای سلێمانی، کە بەهۆیەوە  ئاگرێكی گه‌وره‌ له‌ تانكییه‌كی كۆگاكردنی گازی شل کەوتەوە و ئاستی پێدانی كارەبا بۆ 75% دابەزی، هاوكات وەزارەتی سامانە سروشتییەكان و وەزارەتی كارەبا رایانگەیاندبوو: تەواویی هەناردەی غاز بۆ وێستگەكانی كارەبا راگیراوە.


PUKMEDIA