نرخی نەوت بەڕێژەیەکی بەرچاو دابەزی

میدیاکان

دابەزینی نرخی نەوت

ئەمڕۆ 10ی3ی2026، نرخی نەوت بەڕێژەیەکی بەرچاو دابەزینی بەخۆیەوە بینی و بەشێوەیەک یەک بەرمیل نەوتی برێنت بەرێژەی %6.05 نرخەکەی لەدەستدا.

 لەگەڵ کردنەوەی بازاڕ، نرخی نەوتی برێنت بە رێژەی %6.05 دابەزی و بە 92 دۆلار و 97 سەنت دابەزی، دوای ئەوەی رۆژی دووشەممە خۆی لە نزیکەی 120 دۆلار بینییەوە.
 هاوکات، نرخی نەوتی سووکی تەکساسی ئەمریکاش، زیاتر لە 4 دۆلار دابەزی و بەرمیلێکی بە نزیکەی 90 دۆلار مامەڵەی پێوەدەکرێت.

دۆناڵد ترەمپ سەرۆکی ئەمریکا، رایگەیاند: جەنگی ئێران بەشێوەیەکی گشتی کۆتایی هاتووە،ئاماژەی بەوەشکرد: هێزی دەریایی ئەمریکا ئامادەیە پارێزگاری لە کەشتییە نەوتییەکان بکات کە بە گەرووی هورمزدا تێدەپەڕن،ئەمەش وایکرد، نرخی نەوت بەشێوەیەکی بەرچاو دابەزی.

PUKMEDIA