دەروازە سنورییەکانی ئێران بەڕووی هەرێمدا دەکرێنەوە

PUKMEDIA

دەروازەی نێودەوڵەتی پەورێز خان

یەکێتی هاوردە و ناردنکارانی هەرێمی کوردستان رایدەگەیەنێت: ئەو دەروازانەی بەهۆی بارودۆخی ئێستاوە داخرابوون دەکرێنەوە.

لەڕاگەیەندراوێکدا یەکێتی هاوردە و ناردنکارانی هەرێمی کوردستان رایگەیاند:چەند ڕۆژێک دوای گرژو ئاڵۆزییەکانی نێوان ئێران و وڵاتانی ئەمریکا و ئیسرائیل، دەروازەکانی ئێران جگە لە دەروازەی باشماخ  بەرووی هەرێمدا داخران.

دەربارەی دەروازە داخراوەکانیش یەکێتی هاوردە و ناردنکارانی هەرێم ئاماژەی بەوەکرد: ئەو دەروازانەی داخرابوون وردە وردە سەرجەمیان دەکرێنەوە، بەجۆرێک رۆژی 8ی3ی2026 دەروازەی شوشمێ تەوێڵە و سەرلەئێوارەی رۆژی 9ی3ی2026 دەروازەی سەیران بەن کرانەوە، چاوەڕواندەکرێت لە ڕۆژانی داهاتوودا دەروازەی حاجی ئۆمەران و پەروێز خانیش بکرێنەوە.

ئەمەش لەکاتێکدایە، لە ئێستادا ڕۆژانە لەدەروازەی باشماخەوە 500 بارهەڵگر دێنە ناو هەرێم و کاڵای ئیرانی رۆژانە لەزیادبووندایە.

PUKMEDIA