قۆناغی یەکەمی شەقامی 100 مەتری لە شاری سلێمانی کرایەوە

شارەوانی سلێمانی

شەقامی 100 مەتری لە شاری سلێمانی

ئێوارەی ئەمڕۆ2ی12ی2025 سەرۆکایەتیی شارەوانیی سلێمانی/ فەرمانگەی شەقامی 100 مەتری هەستا بە کردنەوەی هەردوو سایدی سەرەکی شەقامی 100 مەتری و شارەوانی سلێمانیش رایدەگەیەنێت کارکردن لە بەشەکانی دیکە بەردەوام دەبێت.

بەپێی راگەیەندراوێکی سەرۆکایەتی شارەوانی سلێمانی، شەقامەکە لە ئاڕاستەی »کەرکوک بەرەو »ڕێگای قەرەداغ بەشێوەی ڕاستەوخۆیە وە هەروەها سایدی » ڕۆشتوو لە ڕێگای قەرەداغ بۆ »تاسڵوجەوە، بەهۆی تەواو نەبوونی پردی تاسڵوجەوە دەخرێتەوە سەر ڕێگای سلێمانی- کەرکوک
دەشڵێت: هەرچەندە کاتی کردنەوەی تەواوی شەقامی 100 مەتری بە رەسمی دەکەوێتە مانگی ئەیلولی ساڵی داهاتوو، بەڵام بەهۆی داواکاری زۆری هاووڵاتییان و بەمەبەستی کەمکردنەوەی لۆدی ترافیک و قەرەباڵغی شەقامەکە بەتایبەت بۆ بارهەڵگرەکان، سەرۆکایەتیی شارەوانی ئەم بڕیارەی دا.

لە کۆتایشدا شارەوانی سلێمانی ئاشکرای کردووە: کارکردن و جێبەجێکردنی بڕگەکانی تری پڕۆژەکە لە سەرجەم سێکتەر و قۆناغەکانی تری شەقامەکە بەسەرپەرشتیی فەرمانگەی شەقامی 100 مەتری و لە لایەن کۆمپانیای جێبەجێکار بەردەوامی دەبێت تاوەکو تەواوکردنی سەرجەم بڕگەکان و کردنەوەی بە رەسمی

PUKMEDIA