یۆنامی ئیدانەی هێرشەکەی سەر کۆرمۆری کرد

PUKMEDIA

یۆنامی

یۆنامی لە راگەیەندراوێکدا ئیدانەی هێرشکردنە سەر کێڵگەی غازی کۆرمۆری کردووە و ئاماژەی بەوەکردووە: ئەو هێرشە جگە لە زیانگەیاندن بە ژێرخانی ئابوری هەرێم هەڕەشەیە بۆسەر فیدڕاڵی عیراقیش.

دەقی راگەیەندراوەکەی یونامی:


یونامی بە توندترین شێوە ئیدانەی هێرشەکەی سەر کێڵگەی غازی کۆرمۆر دەکات لە پارێزگای سلێمانی. هێرشەکە نەک هەر تەنها لێدانە لە ژێرخانی ئابووری و بەرژەوەندیی هەرێمی کوردستان و هەموو عێراق بەڵکوو ناردنی پەیامێکی نەرێنیشە بەتایبەتی دژی سیستەمی فیدڕالی لە عێراق.  هێرشیش بۆ سەر ژێرخانی مەدەنی هیچ مایەی قبوڵکردن نییە و یونامیش داوا لە دەسەڵاتە پەیوەندیدارەکان دەکات بۆ گرتنەبەری رێوشوێنی گونجاو بۆ پێشگرتن لە دووبارەبوونەوەی ئەم جۆرە پێشێلکارییانە. لەمبارەیەوە، یونامی دەسخۆشی لە پێکهێنانی لێژنەی لێکۆڵینەوە دەکات لەلایەن هەردوو حکومەتی فیدڕال و حکومەتی هەرێمەوە بۆ دەسنیشانکردنی ئەنجامدەران و پەلکێشکردنیشیان بۆ بەردەم دادگا.

PUKMEDIA