وەزارەتی رۆشنبیری هۆشداری لە بڵاوکردنەوەی هەواڵی چەواشەکارانە دەدات

راگەیاندنی وەزارەتی رۆشنبیری

وەزارەتی رۆشنبیری

وەزارەتی رۆشنبیری راگەیەندراوێکی بڵاوکردووەتەوە و تێیدا ئاماژەی بەوەداوە کە پێویستە سەرجەم میدیاکان خۆیان بەدوور بگرن لە بڵاوکردنەوەی هەواڵی چەواشەکارانە و ئەو جۆرە هەواڵانە ناچنە قاڵبی ئازادی رادەربڕینەوە.

دەقی راگەیەندراوەکەی وەزارەتی رۆشنبیری:

بۆ/گشت میدیا بینراو و بیستراوەکان
بابەت / بڵاونەکردنەوەی هەواڵی بێ بنەما
ئاگاداری گشت میدیا بینراو و بیستراو و پۆرتاڵ رایەڵە ئەلیكترۆنییەکانيان دەکەینەوە، كە خۆيان بەدووربگرن لە بڵاوکردنەوەی هەر بابەت و هەواڵێکی بێ بنەما وە پێوستە بەرپرسیارانە مامەڵە بکەن و نەبنە هۆی دروستکردنی ترس و گومان و تێکدانی ئاشتی كۆمەڵەیەتی،  بڵاوکردنەوەی ئەم بابەتانە ناچنە چوارچێوەی ئازادی رادەربڕینەوە بەتایبەتیش لە باری هەستیاری ئێستادا كە هەرێمی كوردستان وەكو قەوارەیەك لەلایەن نەیارانیەوە رووبەڕووی چەندين شێوازی دوژمنكاریانەی پڕ مەترسی بۆتەوە، 
لەم کاتەدا ئەم  هەڵسوکەوتە نابەرپرسانە لەلایەن هەر دەزگا و رایەڵێكی میدیاییەوە بكرێت دوورە لەیاسا و لۆژیک و پێچەوانەی ماددەی سێیەم/ بڕگەی سێیەمە  لە (رێنمایی رێکخستنی فریکوینسی سپەیس لەهەرێمی کوردستان).

                              له‌گه‌ڵ رێزدا .....
                وەزارەتی ڕۆشنبیری و لاوان
بەڕێوەبەرایەتیی گشتیی ڕاگەیاندن و چاپ و بڵاوكردنەوە