بەریتانیا ئیدانەى هێرشەکەى سەر کێڵگەى کۆرمۆر دەکات

PUKMEDIA

لۆگۆى کونسووڵخانەی بەریتانیا لە هەولێر

ئەمڕۆ پێنجشەممە 27ى11ى2025 کونسووڵخانەی بەریتانیا لە هەولێر ئیدانەی هێرشە تیرۆرستییەکەى کێڵگەى کۆرمۆر دەکات.

کونسووڵخانەى بەریتانیا لە تۆڕى کۆمەڵایەتى x  راگەیەندراوێکی بە زمانی کوردی بڵاوکردەوە و رایگەیاند: هێرشکردنە سەر هەر ژێرخانێکی بنەڕەتی هەڕەشە لە سەقامگیری عیراق و سەلامەتی گەلەکەی دەکات. 

ئەوەشى ئاشکراکرد: شانشینی یەکگرتوو لەگەڵ هاوبەشە عیراقییەکان وەستاوە و پشتگیری هەوڵەکانی پاراستنی دامەزراوە بنچینەییەکان دەکات.

شەوی رابردوو هێرشى تیرۆرستى کرایە سەر کێڵگەی کۆرمۆر و بەهۆیەوە ئاگر لە کۆگایەکى  کەوتەوە، لە ئەنجامدا هیچ زیانێکى گیانى نەبوو، بەڵام ئاگرێکى گەورەى لە کێڵگەکە لێکەوتەوە و بەرهەمهێنانى غازى راگرت، هەر بۆیە کارەباى بەشێکى زۆرى هاووڵاتییانى کوردستان بڕا، چونکە کێڵگەکە سەرچاوەیەکی سەرەکی بەرهەمهێنانی کارەبای هەرێمی کوردستان و بەشێکی عیراقە. 

PUKMEDIA