کەسوکاری شەهیدان و زیندانیانی سیاسی لەپێشینەی هاوسەرگیری دەبەخشرێن

PUKMEDIA

ئەحمەد مام رەسوڵ بەڕێوەبەری گشتی خزمەتگوزاری کەسوکاری شەهیدان

بەڕێوەبەری گشتی خزمەتگوزاری کەسوکاری شەهیدان و ئەنفالکراوان و زیندانیانی سیاسی رایگەیاند: بەخشینی کەسوکاری شەهیدان و ئەنفالکاراوان و زیندانیانی سیاسی دەچێتە بواری جێبەجێکردنەوە.

ئەحمەد مام رەسوڵ بەڕێوەبەری گشتی خزمەتگوزاری کەسوکاری شەهیدان و ئەنفالکراوان و زیندانیانی سیاسی بە PUKMEDIA ی راگەیاند: "بەڕێوەبەرایەتییەکەمان بەردەوامە لە خزمەتکردنی کەسوکاری شەهیدان و ئەنفالکراوان و زیندانیانی سیاسی، لەو چوارچێوەیەشدا پرۆسەی بەخشینیان لە پێشینەی هاوسەرگیری دەچێتە بواری جێبەجێکردنەوە.

وتیشی: لەنوێترین هەوڵماندا بۆ خزمەتی کەسوکاری شەهیدان و ئەنفالکراوان و زیندانیانی سیاسی، دوای داواکاریمان لە ئەنجومەنی وەزیران و گرتنەبەری رێکارەکان کارمان کردوە بۆ بەخشینیان لە پێشێنەکانی خانوبەرە و سندوقی نیشتەجێبون و بۆ ئەو مەبەستەش داوای داتا و زانیارییەکانیان کراوە، بۆیە داواین لێدەکەین سەردانی بەڕێوەبەرایەتیەکانی سنوری نیشتەجێبونیان بکەن، بۆ کاری پێویست.

ئەوەشی وت: سوپاسی هەموو ئەو لایەنانە دەکەین کە هاوکارمان بون و ئێمەش بەردەوام دەبین لە هەوڵەکانمان بۆ خزمەتکردنی کەسوکاری شەهیدان و ئەنفالکراوان و زیندانیانی سیاسی.

PUKMEDIA