له‌هه‌رێم كۆتایی به‌دابه‌شكردنی مووچه‌ی مانگی تەمووز دێت

PUKMEDIA

دراوی عیراقی

ئەمڕۆ 5ی 10ی 2025، چەند وەزارەتێك مووچە وەردەگرن، بەمەش كۆتایی بەدابەشكردنی مووچەی مانگی تەمووز دێت.

بەپێی ئەو خشتەیەی وەزارەتی دارایی و ئابوری هەرێم بڵاویكردووەتەوە، ئەمڕ‌ۆ یەك شەممە، وەزارەتەكانی كار و كاروباری كۆمەڵایەتی، رۆشنبیری و لاوان، كارەبا، ئەوقاف و كاروباری ئاینی، خوێندنی باڵا و توێژینەوەی زانستی، سەرۆكایەتی پەرلەمان، سەرۆكایەتی ئەنجومەنی وەزیران، سەرۆكایەتی هەرێم، پێشمەرگە (دیوان، لیواكان)، یەكەی 70 و 80، ب. پۆلیسی دامودەزگاكا نەوتییەكان، ئەنجومەنی ئاسایش و دەزگای ئاسایش، هێزی زێرەڤانی و فەرماندەی بەرگری فریاكەوتن.

ئەمەش لەكاتێكدایە، رۆژی 30ی 9ی 2025، 956 ملیار و 928 ملیۆن دینار وەك تەمویلی مووچەی مانگی تەمووزی فەرمانبەران و مووچەخۆرانی هەرێمی كوردستان خرایە سەر هەژماری بانكی وەزارەتی دارایی و ئابووری هەرێمی كوردستان لە لقی هەولێری بانكی ناوەندی عیراق.

هاوكات رۆژی 25ی9ی2025، وەزارەتی دارایی حكومەتی هەرێمی كوردستان رایگەیاند: رێكارەكانی ناردنی داهاتی نانەوتی بۆ عیراق تەواوبوون و داهاتی نانەوتی هەرێمی كوردستان بۆ مانگی تەمووزی ساڵی 2025، كە بڕەكەی 120 ملیار دینار بوو، بەشێوەی كاش خرایە سەر هەژماری بانكی وەزارەتی دارایی حكومەتی فیدراڵ لە لقی هەولێری بانكی ناوەندی عیراق.

PUKMEDIA

خشتەی مووچەی مانگی تەمووز: