دابەشکردنی مووچە بەردەوامە

PUKMEDIA

دراوی عیراقی

وەزارەتی دارایی و ئابوری حكومەتی هەرێمی كوردستان، بەردەوامە لەدابەشکردنی مووچە و ئەمڕۆ مووچەی چەند وەزارەتێک دابەشدەکات.

بەپێی خشتەكە ئەمڕۆ 4ی 10ی 2025 هەریەک لە وەزارەتی( ئاوەدانکردنەوە و نیشتەجێکردن، تەندروستی، ناوخۆ، داد، ئەنجومەنی دادوەری، پلان دانان، بازرگانی و پیشەسازی، سامان سروشتییەکان، گواستنەوە و گەیاندن، کشتوکاڵ و سەرچاوەکانی ئاو، شارەوانی گەشتوگوزار) مووچە وەردەگرن.

ئەمەش لەكاتێكدایە، رۆژی 30ی 9ی 2025، 956 ملیار و 928 ملیۆن دینار وەك تەمویلی مووچەی مانگی تەمووزی فەرمانبەران و مووچەخۆرانی هەرێمی كوردستان خرایە سەر هەژماری بانكی وەزارەتی دارایی و ئابووری هەرێمی كوردستان لە لقی هەولێری بانكی ناوەندی عیراق.

هاوكات رۆژی 2ی10ی2025، وەزارەتی دارایی حكومەتی هەرێمی كوردستان دەستی بەدابەشکردنی مووچە کرد و سبەینێ یەکشەممە کۆتایی بەدابەشکردنەکە دەهێنێت و مووچەی سەرجەم وەزارەت و دەستەکان دابەشدەکات.

PUKMEDIA