لیستی مووچەی مانگی ئەیلول رادەستی وەزارەتی دارایی عیراق کرا

PUKMEDIA

دراوی عیراقی

ئەمڕۆ چوارشەممە  1ی تشرینی یەکەمی 2025 لیستی مووچەی مانگی ئەیلوولی فەرمانبەران و مووچەخۆرانی هەرێمی کوردستان، لەلایەن تیمی تەکنیکی وەزارەتی دارایی و ئابووری هەرێمی کوردستانەوە رادەستی فەرمانگەی ژمێریاری وەزارەتی دارایی حکومەتی فیدراڵ کرا.

ئەمەش لەکاتێکدایە، دوێنێ سێشەممە 30ی 9ی 2025، 956 ملیار و 928 ملیۆن دینار وەك تەمویلی مووچەی مانگی تەممووزی فەرمانبەران و مووچەخۆرانی هەرێمی كوردستان-ی خستەسەر هەژماری بانكی وەزارەتی دارایی و ئابووری هەرێمی كوردستان لە لقی هەولێری بانكی ناوەندی عیراق، هاوکات ئەمڕۆ وەزارەتی دارایی هەرێم خشتەی دابەشکردنی مووچەی بڵاوکردەوە و بە سێ رۆژ مووچە دابەشدەکات.

PUKMEDIA