ئەمریکا پارە و چەک بۆ رۆژئاوای کوردستان دەنێرێت

رۆیتەرز

هێزەکانی هەسەدە و ئەمریکا

ئەمریکا لە بودجەی ساڵی نوێدا بڕی 130 ملیۆن دۆلاری بۆ پڕ چەککردن و هاوکاری هێزەکانی سوریای دیموکرات (هەسەدە) پەسەندکرد.

ئەنجومەنی نوێنەرانی ئەمریکا تەرخانکراوی دارایی وەزارەتی جەنگی بۆ ساڵی 2026 پەسەنکرد کە بڕی 130 ملیۆن دۆلاری بۆ هاوکاری هێزەکانی سوریای دیموکرات (هەسەدە)یە، ئەمیش لەبەرامبەر ئەوەی بە هاوپەیمانێکی باشی ئەو وڵاتە دادەنرێت و رۆڵێکی گەورەیان هەبووە لە تێکشکاندنی تیرۆری.ستانی دا.عش.

بەپێی تەرخانکراوە داراییەکە: لەکۆی 130 ملیۆن دۆلاری هێزەکانی هەسەدە بڕی 65 ملیۆن دۆلاری بۆ مووچەی هێزەکان دەبێت و 15 ملیۆن دۆلاریشی بۆ راهێنان و کڕینی چەکە و 32 ملیۆن دۆلاری دیکەشی بۆ هاوکاری لۆجستی و چاککردنەوەی چەکە سەربازییەکانە.

ئەمەش لەکاتێکدایە، ماوەی چەند رۆژێکە لە ناوچە جیاوازەکانی سوریاوە هێزی سەربازی رەوانەی ئەو ناوچانە دەکرێن کە لەژێر دەسەڵاتی هێزەکانی سوریای دیموکرات (هەسەدە) دایە و مەترسی بەرپابوونی شەڕی کورد و حکومەتی نوێی سوریا بە سەرۆکایەتی ئەحمەد شەرع لە ئارادایە.

PUKMEDIA