مەکتەبی سکرتارییەت: کاکە حەمە تێکۆشەر وەک دەستێکی پۆڵاین پشتیوانی هاوسەنگەرانی بووە

مەکتەبی سکرتارییەت

مەکتەبی سکرتارییەت کاکە حەمە تێکۆشەر بەسەر دەکەنەوە

مەکتەبی سکرتارییەتی سەرۆک مام جەلال لە پارێزگایی هەڵەبجە ؛ سەردانی پێشمەرگەو تێکۆشەری دێرین هەڤاڵ محەمەد عەلی عەبدولقادر ناسراو بە ( کاکە حەمە تێکۆشەر )یانکرد .

لەو سەردانەدا ؛ مەکتەبی سکرتارییەتی سەرۆک مام جەلال، لە نزیکەوە لە تەندروستی کاکە حەمە تێکۆشەر ـییان پرسییەوە و هیوای زوو چاکبوونەوەیان بۆ خواست .

مەکتەبی سکرتارییەت، بە رێزەوە مێژووی پاک و گەشی هەڤاڵ کاکە حەمەی تێکۆشەرییان خستەوە روو، وەک پێشمەرگەیەکی ئازاو دڵسۆزی رۆژە سەختەکانی خەباتی چەکداری شۆڕشی نوێی گەلەکەمان کە هەمیشە لە سەنگەرەکاندا وەک دەستێکی پۆڵاین دەبووە پشتیوانی هاوڕێ و هاوسەنگەرانی .

لە بەرامبەر ئەو رابردووشدا مەکتەبی سکرتارییەتی سەرۆک مام جەلال، سڵاوی یەکێتیانەی سەرۆک بافڵ و هەڤاڵ قوباد تاڵەبانی ـییان ئاڕاستەکرد و سوپاسی خەبات و تێکۆشانیان کرد .

لای خۆیەوە ؛ هەڤاڵ کاکە حەمەی تێکۆشەر، سوپاسی بەسەرکردنەوەکەی کرد و روونی کردەوە :مەکتەبی سکرتارییەتی سەرۆک مام جەلال هەر لە سەرەتای دروست بوونیەوە وەک ئۆرگانێکی دڵسۆز و خەمخۆر هەمیشە لەسەر خەت بوون بۆ پشتیوانی و باشتر راپەڕاندنی کاروبارەکانی یەکێتیی نیشتیمانی کوردستان کە ئەمەش مایەی شانازییە بۆمان.

PUKMEDIA