بەغداد داوا دەکات لەرێگەی هەرێمەوە نەوت هەناردە بکات

PUKMEDIA

بۆری گواستنەوەی نەوتی هەرێم

بەغداد داوا دەکات لەرێگەی بۆریی نەوتی هەرێمەوە 200 هەزار بەرمیل نەوتی کەرکووک هەناردە بکرێت، رۆژنامەیەکی ئەمریکیش مەرجەکانی هەرێمی کوردستان بۆ پەسەندکردنی داواکەی بەغداد ئاشکرا دەکات.

ماڵپەڕی "ئەلمۆنیتۆر"ی ئەمریكی بڵاوی کردەوە، دوای داخرانی گەرووی هورمز، بەغداد داوا دەکات لەرێگەی بۆریی نەوتی هەرێمەوە 200 هەزار بەرمیل نەوتی کەرکووک هەناردە بکرێت.

ماڵپەڕەکە ئاشکراشی کردووە: هەرێمی کوردستان تائێستا رەزامەند نەبووە، نەوتی كەركوك بە بۆری هەرێمی كوردستاندا بچێت بۆ توركیا.

ئاماژەی بەوەشکردووە: ئەو هەناردەکردنە بۆ قەربوو کردنەوەى راگرتنى نەوتى عیراقە لەرێگەى گەرووى هورمزەوە، هەروەها ئەمریكا و بەغداد لە هەوڵدان هەرێمی كوردستان رازیبكەن، بەڵام هەرێم مەرجی هەیە، ئەویش ئەوەیە هەولێر داوای هەڵگرتنی گەمارۆی سەر دۆلار و پێدانی سەربەخۆیی زیاتر دەکات لە بازرگانییەکەیدا.

PUKMEDIA