ئەنجومەنی نوێنەران لەسەر دۆخی ئەمنی کۆدەبێتەوە

PUKMEDIA

ئەنجومەنی نوێنەرانی عیراق

ئەمڕۆ 7ی3ی2026،ئەنجومەنی نوێنەرانی عیراق، لەسەر دۆخی ئەمنی ناوچەکە و عیراق بە ئامادەبوونی فەرماندە ئەمنییەکان کۆدەبێتەوە.

فەرمانگەی راگەیاندنی ئەنجومەنی نوێنەرانی عیراق، کارنامەی دانیشتنی ئەمڕۆی ئەنجومەنەکەی بڵاوکردەوە، کە یەک بڕگە لەخۆ دەگرێت و تایبەتە بە تاوتوێکردنی دۆخی ئەمنی عیراق و ناوچەکە.

 هەر بەپێی کارنامەکە، دانیشتنەکە سەعات نۆی شەو بە ئامادەبوونی فەرماندە ئەمنییەکان بەڕێوەدەچێت.

دانیشتنی ئەنجومەنی نوێنەران لەکاتێکدایە، لە رۆژی 28ی2ی2026وە، هێرشی ئەمریکا و ئیسرائیل بۆ سەر ئێران دەستی پێکردووە و ئێرانیش بە توندی وەڵامی هێرشەکانی داوەتەوە و عیراق و هەرێمیش پریشکی هێرشەکانیان بەرکەوتووە، بەڵام لە نوێترین هەڵوێستیدا، سەرۆککۆماری ئێران، رایگەیاند: هێرشەکانمان بۆ سەر وڵاتانی دراوسێ رادەگرین.

PUKMEDIA