بەفر و باران بارین دەستپێدەکاتەوە

istockphoto

بەفر بارین

به‌ڕێوه‌بەرایه‌تی گشتی كه‌شناسی و بومه‌له‌رزه‌زانی کەشى پێشبینیکراوى 48 سەعاتی داهاتووی راگەیاند و بەپێی راگەیەنراوەکە: ئەمڕۆ و سبەى بەفر و باران بارین دەستپێدەکاتەوە.

لە راگەیەنراوەکەى به‌ڕێوه‌بەرایه‌تی گشتی كه‌شناسی و بومه‌له‌رزه‌زانیدا هاتووە: ئەمڕۆ شەممە 7ى3ى2026 ئاسمان لە نێوان نیمچەهەور و هەوری تەواو دەبێت، سەرەتا لە ناوچە شاخاوییەکانی باکووری پارێزگای دهۆک کەمێک نمە باران و بەفر بارین دەست پێدەکات، لە دوای نیوەڕۆ نمەباران و بارانی مامناوەند زۆربەی ناوچە شاخاوییەکان و پارێزگای دهۆک دەگرێتەوە و لە درەنگانی شەوی شەممە کاریگەری دابارین زیاد دەکات و لە زۆربەی ناوچەکانی هەرێمی کوردستان باران بارین دەبێت هەروەها لە سەرجەم ناوچە شاخاوییە سنورییەکان بەفر بارینێکی کەم دەبێت .

خێرایى با / لەسەر خۆ - مامناوەند (10-20)کم/ک
ئاڕاستەی با / باشووری خۆرهەڵات دەبێت.
مەوداى بینین /(9 – 10 ) کم دەبێت.

ئاماژەى بە ئەوەشداوە: پلەکانی گەرما کەمێک بەرز دەبێتەوە بەراوورد بە تۆمارکراوەکانی دوێنێ.

بەرزترین پلەکانی گەرمای پێشبینیکراو بۆ ئەمرۆ:

هەولێر: 17 پلەی سیلیزی
پیرمام: 13 پلەی سیلیزی
سۆران: 15 پلەی سیلیزی
حاجی ئۆمەران: 8 پلەی سیلیزی
سلێمانی: 16 پلەی سیلیزی
چەمچەماڵ: 17پلەی سیلیزی
دهۆک: 15 پلەی سیلیزی
زاخۆ: 15 پلەی سیلیزی
هەڵەبجە : 17 پلەی سیلیزی
گەرمیان : 18 پلەی سیلیزی

سەبارەت بە سبەى یەک شەممە 8ى3ى 2026 به‌ڕێوه‌بەرایه‌تی گشتی كه‌شناسی و بومه‌له‌رزه‌زانی ئەوەى خستوەتەڕوو: ئاسمان هەوری باراناوی دەبێت بە درێژایی رۆژ، باران بارین بە شێوەی نمە باران و بارانی مامناوەند لە هەموو ناوچەکانی هەرێم دەبارێت هەروەها لە سەرجەم ناوچە شاخاوییە سنورییەکان بەفر بارینێکی کەم دەبێت و لە درەنگانی شەودا کاریگەری ئەم شەپۆلە کۆتایی پێدێت.

خێرایى با / لەسەر خۆ - مامناوەند (10-20)کم/ک
ئاڕاستەی با / باشووری خۆرهەڵات دەبێت.
مەوداى بینین /(7 – 9 ) کم دەبێت.

ئاماژەى بە ئەوەشداوە: پلەکانی گەرما نزم دەبێتەوە بە (3 تا 5) پلە بەراورد بە تۆمارکراوەکانی ئەمڕۆ.

بەرزترین پلەکانی گەرمای پێشبینیکراو بە پلەی سیلیزی:

هەولێر: 14 پلەی سیلیزی
پیرمام: 10 پلەی سیلیزی
سۆران: 12 پلەی سیلیزی
حاجی ئۆمەران: 4 پلەی سیلیزی
سلێمانی: 13 پلەی سیلیزی
چەمچەماڵ: 14پلەی سیلیزی
دهۆک: 12 پلەی سیلیزی
زاخۆ: 12 پلەی سیلیزی
هەڵەبجە : 14 پلەی سیلیزی
گەرمیان : 15 پلەی سیلیزی

PUKMEDIA