كۆسرەت رەسوڵ پرسەنامەیەك ئاڕاستەی شێخ جەعفەر شێخ مستەفا دەكات

PUKMEDIA

پرسەنامە

كۆسرەت رەسوڵ عەلی، بۆ كۆچی دوایی مامۆستا شێخ حسێن شێخ مستەفا، پرسەنامەیەك ئاڕاستەی شێخ جەعفەر شێخ مستەفا، لێپرسراوی ئەنجوومەنی پاراستنی بەرژەوەندییە باڵاكانی یەكێتی و شێخ دلێر شێخ مستەفا دەكات كە ئەمە دەقەكەیەتی:

برایانی بەڕێزم شێخ جەعفەر و شێخ دلێر شێخ مستەفا

بەداخێكی زۆرەوە هەواڵی كۆچی دوایی كەسایەتی دیارو بەڕێوەبەری گشتی پێشووتری پەروەردە مامۆستا (شێخ حسێن)ی برای بەڕێزتانم بیست، دڵگران و  خەمباری كردم، هاوبەشی خەمتانم.

مامۆستا شێخ حسێن پیاوێكی تێكۆشەرو پەروەردەكارێكی نیشتمانپەروەر بوو، لەئەركی وەزیفی خۆیدا خزمەتێكی زۆری بواری پەروەردەو فێركردنی كرد، لە خانەوادەیەكی كوردپەروەر بوو، ژیان و گیانی خۆیان بۆ خزمەتی كوردو كوردایەتی تەرخان كرد، بەداخەوە بۆ ئەم كۆستەو لەدەستدانی.

بۆ ئەم كۆستە پرسەو سەرەخۆشی خۆم ئاراستەی خانەوادەو كەسوكارو برایانی بەڕێزم دەكەم، هیواخوازم ئەمە دواكۆست و ناخۆشیتان بێت، خوای گەورە سەبووری هەموو لایەك بدات و كۆچكردوو جێگای بەهەشتی بەرین بێت.

براتان 
كۆسرەت رەسوڵ عەلی

PUKMEDIA