عیماد ئەحمەد پرسەنامەیەك ئاڕاستەی شێخ جەعفەر شێخ مستەفا دەكات

PUKMEDIA

پرسەنامە

عیماد ئەحمەد، بۆ كۆچی دوایی مامۆستا شێخ حسێن شێخ مستەفا، پرسەنامەیەك ئاڕاستەی شێخ جەعفەر شێخ مستەفا، لێپرسراوی ئەنجوومەنی پاراستنی بەرژەوەندییە باڵاكانی یەكێتی و شێخ دلێر شێخ مستەفا دەكات كە ئەمە دەقەكەیەتی:

بەڕێزان: كاك شێخ جەعفەر شێخ مستەفا و كاك شێخ دلێر شێخ مستەفا

بەداخ و پەژارەیەكی زۆرەوە، هەواڵی ژیانئاوایی تێكۆشەری دێرین و مامۆستا ( شێخ حسێن شێخ مستەفا )ی برای بەڕێزتانم پێگەیشت.

مامۆستا شێخ حسێن لەبنەماڵەیەكی هەرە دڵسۆز و نیشتیمان پەروەری كوردستان و ناوچەی قەرادەخە كە لەهەموو شۆڕش و نەبردییەكانی گەلی كورد و ناوچەكەدا هەمیشە لەڕیزی پێشەوە ئامادە بوون ، خوالێخۆش بوو خۆشی چ وەك مامۆستا و چ وەك بەڕێوەبەری پێشووی بەڕێوەبەرایەتی گشتی پەروەردەی سلێمانی پەروەردەكارێكی بێ وێنە بووە و خزمەتێكی بەرچاوی خوێندكاران و خوێندنی كردووە و جێگا دەستی زۆر روون و دیارە… 

هەربۆیە بەلەدەستدانی مامۆستا و تێكۆشەرێكی وەك مامۆستا شێخ حسێن زۆر دڵتەنگ و نیگەرانبووین…
 
بۆ ئەم خەمە گەورەیە پرسەو سەرەخۆشی ئاڕاستەی بەڕێزتان و تەواوی كەسوكارو بنەماڵە سەربەرزەكەتان دەكەم و هاوبەشی ماتەمتانم…

لەخوای گەورە داواكارین گیانی پاكی كۆچكردوو بەبەهەشتی بەرین شادبكات، سەبووری و ئارامی بە هەموولایەك ببەخشێت.

‎انا للە و انا الیه راجعون 

عیماد ئەحمەد

PUKMEDIA