نه‌ورۆزی ئه‌مساڵ له‌سلێمانی جیاواز ده‌بێت

ئاژانسەکان

ئاگری نەورۆز

رۆژی 20ی3ی2026 بۆ ئه‌مساڵ كه‌ هاوكاته‌ له‌گه‌ڵ رۆژی جه‌ژنی ره‌مه‌زانی پیرۆز ئاگری نه‌ورۆز له‌ گردی مامه‌یاره‌ له‌سلێمانی ده‌كرێته‌وه‌و سه‌رۆكی كۆمه‌ڵه‌ی كه‌له‌پووریش ده‌ڵێت: ئه‌مساڵ زۆر جیاواز له‌ساڵانی رابردوو ئاگری نه‌ورۆز ده‌كه‌ینه‌وه‌.

محه‌مه‌د مه‌ردان سه‌رۆكی كۆمه‌ڵه‌ی كه‌له‌پوور و فۆلكلۆری كورد بۆ PUKMEDIA وتی: لیژنه‌ی سه‌رپه‌رشتی یادكردنه‌وه‌ی جه‌ژنی نه‌ورۆزی مامه‌یاره‌، كه‌بریتین له‌ (كۆمه‌ڵه‌ی كه‌له‌پوور، تۆڕ‌ی شاخه‌وانی كوردستان، بنه‌ماڵه‌ی مامه‌یاره‌، گروپی پێشبڕ‌كێی پاسكیل سواری، له‌كۆمه‌ڵه‌ی كه‌له‌پوور كۆبووه‌وه‌و به‌ وردی قسه‌و باسمان له‌سه‌ر به‌رنامه‌ی رۆژی ئاگری نه‌ورۆز كرد.

راشیگه‌یاند: له‌كۆبوونه‌وه‌كه‌دا بڕیارماندا یادی نه‌ورۆزی ئه‌مساڵ له‌گه‌ڵ یاده‌كانی ساڵانی پێشوو زۆر جیاواز بێت و چه‌ندین چالاكی جۆراوجۆر له‌خۆبگرێت، كه‌ تائێستا چالاكی له‌و شێوه‌یه‌ك له‌گه‌ڵ جه‌ژنی نه‌ورۆزدا نه‌كراوه‌.

PUKMEDIA