مەكتەبی سكرتارییەت: مامۆستایانی ئاینی رۆڵی خێرو ئاشتیانەیان گێڕاوە

مەكتەبی سكرتارییەتی سەرۆك مام جەلال

سەردانی مەكتەبی سكرتاریەت بۆلای كەسایەتی و زانایانی ئاینی

رۆژی 2ـی3ـی2026، وەفدی مەكتەبی سكرتارییەتی سەرۆك مام جەلال، لەشاری سلێمانی لەدوو سەردانی جیاداو بەئامادەبوونی مامۆستا عەباس خدر فەرەج بەڕێوەبەری ئەوقافی پارێزگای سلێمانی هەریەك لە كەسایەتی و زانایانی ئاینی شاری سلێمانی مامۆستا فایەق سەعید رەشید ناسراو بە مامۆستا فایەق سەعید شارەزوری و مامۆستا حسەین حەمەمراد ئاروزەری ناسراو بە مەلاحسەین ئاروزەری یان بەسەركردەوە. 

لەو سەردانانەدا، ئەندامانی وەفدی مەكتەبی سكرتارییەتی سەرۆك مام جەلال لە نزیكەوە لەتەندروستی مامۆستایانی پایەبەرزییان پرسییەوەو هیوای تەندروستی باشترو سەلامەتی هەمیشەییان بۆ خواستن . 

هاوكات ئەندامانی وەفدی مەكتەبی سكرتارییەتی سەرۆك مام جەلال پێزانینیان دەربڕی بۆ رۆڵی خێرو چاكەی ئاشتیانەی مامۆستایانی ئاینیی لەهەرێمی كوردستاندا كە سەرباری گەیاندنی ئەركە دینییەكانیان لەهەموو وێستگەكانی خەباتی رەوای گەلی كورد دا توانیوویانە بەشێكی گەورەبن بۆ پشتیوانی و سەرخستنی شۆڕشەكان، لەم رووەوە مەكتەبی سكرتارییەت ستایشی هەردوو مامۆستا مەلا فایەق سەعید شارەزوری و مەلا حسەین ئاروزەری یانكرد، وەك دوو زانای دیاری شاری سلێمانی كەژیانی خۆتان تەرخانكردوە بۆ  خزمەتكردنی مزگەوت و میحراب و گەیاندنی پەیامە ئاینییەكان و بڵاوكردنەوەی چاكەی گشتیی و كەمكردنەوەی كێشە و گرژییەكان لە كۆمەڵگەكەمان، لەبەرامبەر ئەو رۆڵەشیان مەكتەبی سكرتارییەتی سەرۆك مام جەلال سڵاوی سەرۆك بافڵ جەلال تاڵەبانی و قوباد تاڵەبانی ـیان ئاڕاستەكردن و سوپاسی زۆری خزمەتەكانیان كرا.

PUKMEDIA