وەزارەتی رۆشنبیری کەناڵەکانی راگەیاندن ئاگادار دەکاتەوە

PUKMEDIA

وەزارەتی رۆشنبیری و لاوان

داوا لە کەناڵەکانی راگەیاندن دەکرێت پابەندی ئیتیکی رۆژنامەوانی بن و خۆیان بەدوربگرن لە بڵاوکردنەوەی وێنە و ڤیدیۆ و هەواڵی ساختە، بۆ ئەوەی بەهەموو لایەکمان بتوانین ئەم بارودۆخەی لەناوچەکەکدا هەیە بەبێ زیان تێپەڕێنین.

وەزارەتی رۆشنبیری و لاوان ئاگادری سەرجەم کەناڵەکانی راگەیاندن بە بینراو، بیسراو، نوسراو، سۆشیاڵمیدیاوە دەکات، بە هەستیارییەوە مامەڵە لەگەڵ ئەم بارودۆخە بکەن، هیچ بابەتێک بڵاونەکەنەوە لە دژی قەوارەی هەرێمی کوردستان بێت و ترس و دڵەراوکێ لای خەڵک دروست بکات.

بەڕێوەبەرایەتی گشتی راگەیاندن و چاپ و بڵاوکردنەوەی وەزارەتی رۆشنبیری و لاوان لەراگەیەندراوەکەیدا ئەوەشی خستوەتەروو: داوا لە میدیاکان دەکەین کە دوربن لە بڵاوکردنەوەی هەر بابەت و راپۆرت و وێنە و ڤیدیۆیەکی ساختە و بێ بنەما، کە هۆکاربێت بۆ دروسکردنی ترس و تۆقاندن و شڵەژانی ئابوری، بەپێچەوانەوە پێویستە سەرجەم میدیاکان پابەندی ئیتیک و رێکارەکانی میدیا و پەیامنێرانی جەنگ بن.

PUKMEDIA