وتاری سەرۆک بافڵ: پشتیوانییکردنی پرۆسەی ئاشتی ئەرکێکی نیشتمانییە

PUKMEDIA

دارا خەیلانی پەیامی سەرۆک بافڵ لە کۆنفرانسی نێودەوڵەتیی ئاشتی و کۆمەڵگەی دیموکراتی دەخوێنێتەوە

پەیامی بافڵ جەلال تاڵەبانی سەرۆکی یەکێتیی نیشتمانیی کوردستان  لە کۆنفرانسی نێودەوڵەتیی ئاشتی و کۆمەڵگەی دیموکراتیک لە ئیستانبوڵ لەلایەن دارا خەیلانی نوێنەری سەرۆک بافڵ خوێندرایەوە کە تیایدا رایگەیاند پشتیوانییکردنی یەکێتیی لە پرۆسەی ئاشتیی هەڵوێستێکی سیاسیی نییە بەڵکو ئەرکێکی نیشتمانییە بەرامبەر گەلی کورد.

لە پەیامەکەی سەرۆک بافڵدا هاتووە: ئێمە ئەزموونمان کردووە و دەزانین شەڕ و پێکدادان براوەی نییە، کاتێک کە ئەمڕۆ کۆدەبینەوە بۆ تاوتوێکردنی گرنگیی و بایەخی ئاشتیی و سەقامگیریی، کە دەبنە بناغەی ژیانی شەرەفمەندانە و خۆشگوزەران، ناوچەکەمان لە دووڕیانێکدایە کە دینامیکە جیۆسیاسییەکان لە ناوچەکە و جیهان خەریکە پێدەنێنە قۆناغێکی نوێوە.

ئاماژەبەوەشکراوە :ئەو بڕیارانەی لە ئێستادا دەیاندەین، ئێستامان دیارییدەکات و شێوە دەداتە دەرفەتەکان و ئازادییەکانی نەوەکانی داهاتوو نەک تەنیا بۆ کورد بەڵکو بۆ سەرجەم پێکهاتە ئەتنی و ئاینییەکان.

لە پەیامەکەی سەرۆکی یەکێتیدا ئەوەش هاتووە: یەکێتیی نیشتمانیی کوردستان لە دامەزراندنییەوە لە ساڵی 1975، باوەڕی پتەو و نەگۆڕی بەوە هەبووە کە توندوتیژیی دابەشبوونەکان قووڵدەکاتەوە و چارەسەر تەنیا لەڕێگەی دیالۆگی سیاسییەوە بەدەستدێت.

لە کۆتاییدا ڕایگەیاندووە:ئەم بنەمایە پێناسەی رێبەرایەتی مام جەلال دەکات ئەو کە ئازایەتی و ڕوونی لە ئامانج و پابەندیی بە ئاشتی، ساتی ناڕوون و نادیاری هەستیاری بۆ دەرفەتی ئاشتەوایی گۆڕی.

PUKMEDIA