دانانی سیستمی به‌رهه‌مهێنانی كارەبا له‌ وزەی خۆر لەسلێمانی لەزیادبووندایە

کۆمانیایەکی دانانی سیستمەکە

سیستمی سۆلار

بەڕێوەبەرایەتی گشتی کارەبای سلێمانی رایدەگەیەنێت:  دانانی سیستمی به‌رهه‌مهێنانی كارەبا له‌ وزەی خۆر (سۆلار) لە زیادبووندایە، بەجۆرێک ئاماری بەکارهێنەرانی گەیشتووەتە زیاتر لە سێ هەزار بەکارهێنەر.

لەڕاگایەنراوێکدا بەڕێوەبەرایەتی گشتی کارەبای سلێمانی رایگەیاندووە: بەپێی ئامارەكانی بەشی ووزە نوێبووەكانی بەڕێوەبەرایەتی گشتیمان لە سنوری پارێزگای سلێمانی، رۆژ لەدوای رۆژ هاووڵاتیان روو لە دانانی سیستمی كارەبای وزەی خۆر دەكەن و كۆی گشتی بەرهەمهێنانی كارەبا لە وزەی خۆر گەیشتووەتە زیاتر لە (84) مێگاوات كارەبا.

ئاماژەبەوەشکراوە، بە پێی كۆتا ئامار تا بەرواری 8ی3ی2026 ژمارەی ئەو هاوبەشانەی كارەبا كە سیستمەكەیان داناوە و لە بەشی ووزە_نوێبووەكان تۆماركراوە، گەیشتوەتە  3 هەزار و 110 هاوبەش و بڕی بەرهه‌مهێنانی كارەبایان گەیشتوەتە (84) مێگاوات.

هاوکات، لەو هاوبەشانەی سیستمی سۆلاریان داناوە (2562) هاوبه‌شی #ماڵان و (443) هاوبەشی #بازرگانی و (15) هاوبەشی #پیشەسازی و (85) هاوبەشی كشتوكاڵی و (5) هاوبه‌شی میریین.

PUKMEDIA