سەرۆک بافڵ: هەڵبژاردن ببێتە پێشخستنی دیموکراسی و خزمەتگوزاری

راگەیاندنی سەرۆکی یەکێتی

سەرۆک بافڵ و موحسین مەندەلاوی، جێگری یەکەمی سەرۆکی ئەنجوومەنی نوێنەرانی عیراق

بافڵ جەلال تاڵەبانی، سەرۆکی یەکێتیی نیشتمانیی کوردستان لە بەغداد لەگەڵ موحسین مەندەلاوی، جێگری یەکەمی سەرۆکی ئەنجوومەنی نوێنەرانی عیراق کۆبووەوە.

لە کۆبوونەوەکەدا نزار ئامێدی، ئەندامی مەکتەبی سیاسیی یەکێتی و د. خالید شوانی، وەزیری دادی عیراق ئامادەیبوون، پێشهات و گۆڕانکارییەکان لەسەر ئاستی وڵات و ناوچەکە بیروبۆچوونیان لەبارەوە ئاڵوگۆڕکرا.

هەر لە کۆبوونەوەکەدا جەخت لە یەکخستنی هەوڵەکان و هاریکاریی هەمەلایەنە بۆ ئەنجامدانی هەڵبژاردنێکی خاوێن کرایەوە کە ببێتە مایەی پێشخستنی پرۆسەی دیموکراسی و زیاتر خزمەتکردنی خەڵک.

PUKMEDIA