لە شەنگال گۆڕێکی دیکەی بەکۆمەڵ دۆزرایەوە

میدیاکان

گۆڕێکی بەکۆمەڵ لە شەنگال

گۆڕێکی دیکەی بەکۆمەڵ لە باشوری چیای شەنگال دۆزرایەوە و بەپێی ئامارێکیش تائێستا لە کۆی 93 گۆڕی بەکۆمەڵ 68 گۆڕیان هەڵدراونەتەوە.

رۆژی هەینی، کاتێک چەند هاووڵاتییەکی کۆمەڵگەی سیپا شێخ خدر سەرقاڵی ئامادەکردنی زەوی بوون بۆ دروستکردنی خانوو، ئێسک و پروسکی دووهاووڵاتی ئێزدی و چەند پارچە جلوبەرگێک دۆزرانەوە، ئەو کۆمەڵگەیە یەکەم خاڵی دەستپێکردنی داگیرکردنی شەنگال بوو لە رۆژی 3ی8ی2014، کە بە نزیکەی 40 کیلۆمەتر دەکەوێتە رۆژئاوای شەنگال.

لەلایەکی دیکەوە، بەپێی ئامارێکی رێکخراوی پتریکور بۆ مافەکانی مرۆڤ لە قەزای شەنگال لە کۆی 93 گۆڕی بە کۆمەڵ تا ئێستا 68 گۆڕیان هەڵدراونەتەوە.

PUKMEDIA