سەرۆککۆمار و سەید عەمار حەکیم: هەڵبژاردنی داهاتوو دادپەروەر و شەفاف بێت

راگەیاندنی سەرۆکایەتی کۆمار

سەرۆککۆمار و سەید عەمار حەکیم

ئەمڕۆ 18ی9ی2025، د.لەتیف جەمال ڕەشید  سەرۆککۆماری عیراق لە بەغدا پێشوازی کرد لە سەرۆکی ڕەوتی حیکمەی نیشتمانی سەید عەمار حەکیم .

لەدیدارەکەدا گفتوگۆکرا لەبارەی پێشهاتەکانی گۆڕەپانی ناوخۆ و ناوچەکە وجەختکرایەوە لەسەر گرنگی هەوڵدان بۆ پاراستنی سەقامگیری لە بوارەکانی ئەمنی و سیاسی و ئابووریدا و کارکردن بۆ بەرەوپێشبردنی لایەنی خزمەتگوزاری بەوشێوەیەی گەلەکەمان ئاواتی بۆ دەخوازێت.

لە کۆبوونەوەکەدا تاوتوێی ئامادەکارییەکان کرا بۆ بەڕێوەچوونی هەڵبژاردنی پەرلەمانی داهاتوو بە شێوەیەکی سەرکەوتوو و دادپەروەرانە و شەفاف.

PUKMEDIA