سودانی: هەڵبژاردن لەکاتی خۆیدا بەڕێوەدەچێت

میدیاکان

محەمەد شیاع سودانی سەرۆکوەزیرانی عیراق

محەمەد شیاع سودانی سەرۆکوەزیرانی عیراق رایدەگەیەنێت هەڵبژاردن بنەمایەکی سەرەکی دیموکراسییە و لە کاتی خۆیدا بەڕێوەدەچێت و دەشڵێت عیراق تاکە لە رۆژهەڵاتی ناوەڕاست نموونەیەکی ناوازەی لە دیموکراسی پێشکەشکردووە.

سودانی لە میانی پێشکەشکردنی وتارێک لە رۆژی جیهانی دیموکراسیدا رایگەیاند لە ماوەی دوو دەیەی رابردوودا سەرکەوتنی زۆرمان لە بواری جێبەجێکردنی دیموکراسیدا بەدەستهێناوە و هەڵبژاردنیش بنەمایەکی سەرەکی دیموکراسییە و لە کاتی خۆیدا هەڵبژاردنی ئەنجومەنی نوێنەران بەڕێوەدەچێت.

راشیگەیاند: ئەگەر وڵاتێک هەبێت لە ناوچەکە مافی ئەوەی هەبێت یادی رۆژی جیهانی دیموکراسی بکاتەوە، بێگومان ئەوە عیراقە،چونکە نموونەیەکی ناوازەی لە پێکەوە ژیان و دەستەودەستکردنی  ئاشتیانەى دەسەڵاتی لە رۆژهەڵاتی ناوەڕاست پێشکەشکردووە.

وتیشی: دەیان ساڵ لە خەبات و قوربانیدان و پێشکەشکردنی دەیان هەزار شەهید لە گۆڕەبەکۆمەڵەکان و هەڵەبجە و ئەنفال عیراق توانیویەتی بگات بە پیادەکردنی دیموکراسی.

PUKMEDIA