سەرۆککۆمار جەخت لە گرنگی پاراستنی ئاسایش و بەرژەوەندیەکانی هاووڵاتیان دەکات

راگەیاندنی سەرۆکایەتی کۆمار

دیداری سەرۆککۆمار و سەرۆکی ئاژانسی پاراستن و زانیاری و سەرۆکی دەزگای ئاسایشی هەرێم

د. لەتیف رەشید سەرۆککۆماری عیراق لە بەغدا پێشوازی کرد لە جەلال شێخ ناجی سەرۆکی ئاژانسی پاراستن و زانیاری / زانیاری و هیوا ئەحمەد سەرۆکی دەزگای ئاسایشی هەرێم .

لەمیانی دیدارەکەدا پێداچوونەوە بەڕەوشی ئەمنی ناوچەکە کرا، جەخت له گرنگی پاراستنی ئاسایش و بەرژەوەندیەکانی هاووڵاتیان و پەڕەپێدانی کاری ئەمنی و هەواڵگری بۆ دابینکردنی ئاسایش و سەقامگیری زیاتر له سەرتاسەری عیراق و هەرێمدا، هەروەها دەستخۆشی لەو قوربانی و کارانە کرا کە لەلایەن دەزگای ئاسایشی و دەزگاکانی دیکەوە لە بەرەنگاربوونەوەی تاوان و تیرۆردا دراون.

PUKMEDIA