دەنگۆی جوڵەپێكردنی هێزی پێشمەرگە بۆ ناوچە جێناكۆكەكان رەتدەكرێتەوە
کوردستان 09:47 AM - 2025-07-05
راگەیاندنی هێزەكانی 70
لۆگۆى هێزەکانى 70
فەرماندەیی هێزەكانی 70، دەنگۆی جوڵەی سەربازیی لە هەندێك ناوچەی جێناكۆك رەتدەكاتەوە و رایدەگەیەنێت: "هیچ جۆرە جموجۆڵێكی سەربازی لای ئێمەوە رووی نەداوە و هەماهەنگی تەواومان لە سەركردایەتی هاوبەشی هێزە چەكدارەكانی عیراق هەیە و كاری هاوبەشمان بۆ پوچەڵكردنەوەی جموجۆڵەكانی تیرۆریستان لەو ناوچانەدا كردووە، هێزی پێشمەرگەش هەمیشە ئامادەیە بۆ بەر پەرچدانەوەی پیلانی دوژمنان".
راگەیاندنی هێزەكانی 70، روونكردنەوەیەكی لەبارەی بڵاوبوونەوەی هەواڵێكی ساختە بڵاوكردەوە و رایگەیاند: "لە هەندێك تۆڕی كۆمەڵایەتی سێبەر هەواڵێك بڵاو كراوەتەوە كە گوایە هەندێك كەرتی سەربازی و پێشمەرگە جوڵەی سەربازییان هەبووە لەهەندێك ناوچەی جێناكۆك، ئێمە لە فەرماندەیی هێزەكانی 70، ئەم هەواڵە بێ بنەمایە بەتەواوی رەت دەكەینەوە و بە هەموو لایەكی رادەگەیەنین كەهیچ جۆرە جموجۆڵێكی سەربازی لای ئێمەوە رووی نەداوە".
راشیگەیاندووە: "كە هەماهەنگی تەواومان لە سەركردایەتی هاوبەشی هێزە چەكدارەكانی عیراق هەیە و لەم رۆژانەی دوایدا هەمیشە لەپەیوەندیدا بووین و كاری هاوبەشمان كردووە بۆ پوچەڵكردنەوەی هەموو مەترسی و جموجۆڵەكانی تیرۆریستان لەو ناوچانەدا، دڵنیایی دەدەین كە هێزی پێشمەرگە هەمیشە چاوكراوە و ئامادەیە بۆ بەر پەرچدانەوەی پیلانی دوژمنان و تیرۆریستان، هەروەها جەماوەری گەلەكەمان دڵنیا دەكەینەوە كە ئەو هەواڵانە دوورن لەڕاستی و داواكارین لەسەرجەم كەناڵ و دەزگاكانی راگەیاندن و تۆڕەكانی كۆمەڵایەتی كە بە ویژدان و هەست كردن بە بەرپرسیارێتی مامەڵە لەگەڵ ئەم جۆرە هەواڵانەدا بكەن و زانیاری راست و دروست لەسەرچاوە پەیوەندیدارەكانەوە وەربگرن".
روونكردنەوەكەی راگەیاندنی هێزەكانی 70 لە كاتێكدایە، دوێنێ 4-7-2025، راگەیاندنی هێزەكانی 70، روونكردنەوەیەكی سەبارەت بە هاككردنی پەڕەی رەسمی هێزەكانی 70 لە تۆڕی كۆمەڵاتی فەیسبوك بڵاوكردەوە و رایگەیاند : "دەستێكی رەش و دژ و ناحەز به نیشتیمان و هێزی پێشمەرگه، كە گومان دەكرێت نەیاری ناوخۆی یەكێتیی نیشتیمانیی كوردستان بێت، هەستان به هاككردن و دزەكردنە ناو پەڕەی رەسمی هێزەكانی 70 لە تۆڕی كۆمەڵاتی فەیسبوك و دەست بەسەرداگرتنی، بە ئامانجی دژایەتكردن و شاردنەوەی ئەو پێشكەوتنە بەرچاوەی هێزەكانی 70ی پێشمەرگە لەماوەی رابردوودا بەدەستی هێناوە".
PUKMEDIA
هەواڵی زیاتر
-
بەرهەمهێنانی گازی سروشتی بۆ وێستگەكانی كارەبا دەستپێدەکاتەوە
05:35 PM - 2025-11-29 -
ئەحمەد میرە: میدیا سیخوڕەکان هەوڵی ناشرینکردنی سلێمانی دەدەن
03:44 PM - 2025-11-29 -
ئەمریکا.. دوای هێرشەکەی نزیک کۆشکی سپی دەرگا بەڕووی پەنابەراندا دادەخات
11:13 AM - 2025-11-29 -
دوو كهشتی لهدهریای رهش تهقینەوە
10:19 AM - 2025-11-29
ئەمانەش ببینە
خۆپیشاندانەکەی هەولێر بریندار و کوژراوی لێدەکەوێتەوە
02:36 PM - 2025-11-29
دابهشكردنی مووچهی مانگی ئهیلول راگهیهندرا
02:14 PM - 2025-11-29
هێرشهكهی كۆرمۆر و كاردانهوهكان
12:32 PM - 2025-11-29
مووچەی مانگی ئەیلوول بۆ هەرێم نێردرا
11:25 AM - 2025-11-29
زۆرترین خوێنراو
-
چەخماخ لێدە، چراکەم هەڵنەکردووە...
بیروڕا 01:49 PM - 2025-11-29 -
هێرشهكهی كۆرمۆر و كاردانهوهكان
کوردستان 12:32 PM - 2025-11-29 -
مووچەی مانگی ئەیلوول بۆ هەرێم نێردرا
کوردستان 11:25 AM - 2025-11-29 -
ئەمریکا.. دوای هێرشەکەی نزیک کۆشکی سپی دەرگا بەڕووی پەنابەراندا دادەخات
جیهان 11:13 AM - 2025-11-29 -
دوو كهشتی لهدهریای رهش تهقینەوە
جیهان 10:19 AM - 2025-11-29 -
بارانبارین ههرێمی كوردستان و عیراق دهگرێتهوه
عیراق 09:49 AM - 2025-11-29 -
رووی (سیا)ی میدیای چەواشە لە دۆسیەی كۆرمۆردا
بیروڕا 11:10 PM - 2025-11-28 -
لەسەر ڕاسپاردەی مەڵبەندی ڕاپەڕین موەلیدەکانی سنوورەکە کەوتنەوە کار
کوردستان 10:47 PM - 2025-11-28






.jpg)
دابەزێنە

