مەكتەبی سیاسی: جەلالی عەلی ئاغا كادرێكی چالاكی رێكخستنەكان بوو

PUKMEDIA

پرسەنامە

بۆ كۆچی دوایی تێكۆشەری دێرین  كاك جەلالی  عەلی ئاغا، مەكتەبی  سیاسی یەكێتیی نیشتمانیی كوردستان، پرسەنامەیەك ئاڕاستەی خێزان و خانەوادەی كۆچكردوو دەكات كەئەمە دەقەكەیەتی:

بەڕێزان  کەسوکار و خانەوادەی تێکۆشەری دێرین  کاک جەلالی  عەلی ئاغا

بۆ کۆچی  دوایی  تێکۆشەری دێرین  و ئەندامی ئەنجومەنی ناوەندیی پێشوو   کاک  جەلالی  عەلی  ئاغای  زڕگوێز،   لەناخی دڵەوە  پرسەو  ماتەمی  خۆمان ئاڕاستەی  بەڕێزتان و گشت  هەڤاڵانی  دەکەین.

کاک  جەلال  لەناو رێکخستنەکانی  یەکێتیی نیشتمانیی کوردستاندا   یەکێک بووە لە کادرە چالاکەکان، لەکاتی  ئەنفالەکاندا  رۆڵێکی  بەرچاوی  هەبوو  لە گرێدانەوەی  پەیوەندیەکانی  نێوان   مەفرەزە پارتیزانەکانی  قەرەداغ   لەگەڵ رێکخستنەکانی  ناوشاردا.

داواکارین  لەیەزدانی  مەزن  کۆچکردوو بە  بەهەشتی بەرین شاد  بکات و ئارامی  بە گشت لایەک  ببەخشێت.

مەکتەبی  سیاسی 
یەکێتیی نیشتمانیی کوردستان

PUKMEDIA