پسپۆڕێک: سەرژمێری پرسی بودجە یەکلایی دەکاتەوە

PUKMEDIA

سەرژمێری

پسپۆڕ و شارەزایەکی بواری هەڵبژاردن باس لە گرنگی ئەنجامدانی سەرژمێری دەکات و رایدەگەیەنێت: " لەسەر ئاستی هەرێم داتاکانی سەرژمێری گرنگن بۆ تویژینەوە ودانانی پلان و بەرنامە بۆ دەستەبەرکردنی خزمەتگوزاری و دانانی پلانی ستراتیجی، هۆکارێکیشە بۆ یەکلایی کردنەوەی پرسی بوودجە".

سلێمان مستەفا حەسەن پسپۆر و شارەزا لەکاروباری هەڵبژاردن لە وتارێکیدا بە ناونیشانی (سەرژمێری لەنێوان گرینگی و مەترسیەکاندا؟)، کەلە بەشی بیروڕای PUKMEDIA بڵاوبۆتەوە رایدەگەیەنێت: "لەسەر ئاستی هەرێمی کوردستان داتاکانی سەرژمێری گرنگن بۆ تویژینەوە ودانانی پلان و بەرنامە بۆ دەستەبەرکردنی خزمەتگوزاری و دانانی پلانی ستراتیجی و دەستەبەرکردنی دادپەروەری لەنێوان پارێزگا و قەزاو ئیدارە سەربەخۆکان بۆ پرسی بوجە و پلانی گەشە پێدان و نوێنەرایەتی لە پەرلەمان و ئەنجومەنی پارێزگاو قەزاو ناحیەکان".

"پرسی بودجە، دوای پرۆسەی سەرژمێری ژمارەی ڕاستەقینەی دانیشتوانی پارێزگاکان دەردەکەوێت، بەمەش هەر پارێزگایەک بەشی داهات و بودجە و خەرجی وەبەرهێنانی  خۆی دەستدەکەوێت لەسەر بنەمایەکی دادپەروەرانە بۆ یاسای بودجەی گشتی، داتاکانی سەرژمێری یارمەتی حکومەت دەدات کە چۆن بڕیار بدات بۆ تەرخانکردنی بودجە بۆ قوتابخانە، نەخۆشخانە، گواستنەوەی گشتی و خزمەتگوزارییە و تەواوی کایە سەرەکییەکانی دیکە"، لە وتارەکەی سلێمان مستەفادا واهاتووە.

بۆ خوێندنەوەی دەقی وتارەکە کلیک لەم بەستەرە بکە....

PUKMEDIA