وەدات لە دهۆك تیرۆر دەكرێت و لە سلێمانی یادی دەكرێتەوە
کوردستان 12:38 PM - 2023-08-13رۆژنامەنوس وەدات حسێن
حەوت ساڵ بەسەر تیرۆركردنی رۆژنامەنوس وەدات حسێن لە سنووری پارێزگای دهۆك تێدەپەڕێت و تا ئێستا تۆمەتبارانی رووداوەكە دەستگیر نەكراون و رێگاش نادرێت ساڵیادی تیرۆركردنەكە لە هەولێر و دهۆك بكرێتەوە، بەڵام كەسوكار و هاوڕێیانی ساڵیادی تیرۆركردنی لە سلێمانی دەكەنەوە.
بڕیارە سەعات 6:30 ی ئێوارەی ئەمڕۆ یەك شەممە 13-8-2023، لە هۆڵی سینەما سالم لە سلێمانی مەڕاسیمی حەوتەمین ساڵڕۆژی تیرۆركردنی شەهیدی قەڵەم وەدات حسێن سازبكرێت.
لێكۆڵینەوە لە دۆسيیەی تیرۆركردنی وەدات حسێن بێ ئەنجامە
پاش تێپەڕبوونی حەوت ساڵ بەسەر تیرۆركردنی رۆژنامەنوس وەدات حسێن، تا ئێستا هیچ كەسێك لەسەر دۆسیەكەی دەستگیر نەكراوە، پێشتریش عەبدولڕەحمان حسێن برای وەداتی رۆژنامەنوسی تیرۆركراو بە سایتی رەسمی یەكێتیی نیشتمانیی كوردستان PUKMEDIA ی راگەیاندووە: "هێشتا بكوژانی وەدات نەدۆزراونەتەوە و دەسەڵاتدارانی دهۆك و پارتی و دەزگا ئەمنییەكانی پارێزگاكە بەرپرسیارن لەتیرۆركردنی وەدات، چونكە نەیانتوانیوە لەماوەی حەوت ساڵدا بكوژەكان ئاشكرا بكەن".
پارتی چەندین جار داوای سوڵحی عەشایەری لە بنەماڵەی وەدات دەكات
خانەوادەی رۆژنامەنوس وەدات حسێن و رۆژنامەنوسان و رێكخراوەكانی كۆمەڵگەی مەدەنی پەنجەی تۆمەت بۆ پارتی دیموكراتی كوردستان و بەرپرسانی دهۆك درێژدەكەن و بە تۆمەتباری رووداوەكەیان دەزانن.
"پارتی دیموكراتی كوردستان چەندینجار هەوڵیداوە دۆسییەی تیرۆركردنی وەدات حسێن لەڕێی سوڵحی عەشایەرییەوە كۆتایی پێبهێنێت و خانەوانەی شەهید وەدات چیتر باسی ئەو دۆسییە نەكەن، بەڵام وەك خانەوادەكەی هەموو جارێك داواكارییەكەی پارتی-مان بۆ سوڵحی عەشایەری رەتكردووەتەوە و بۆ هەمیشە دەست لە دۆسییەكەی هەڵناگرین" عەبدولڕەحمان حسێن وادەڵێت.
راشیدەگەیەنێت: "بە نەدۆزینەوەی بكوژەكان و هەوڵەكانی پارتی بۆ سوڵحی عەشایەری، بۆخۆی دانپێدانانە كە وەدات لەلایەن پارتییەوە تیرۆركراوە، ئەگەرنا بۆ پارتی داوای سوڵحی عەشایەری و بێدەنگبوونمان دەكات".
براكەی وەدات حسێن ئاماژەی بەوەش كردووە: "لەگەڵ پارێزەرانی دۆسییەكە چەندین جار سەردانی پۆلیسیان كردووە، بەڵام پێيانوایە پۆلیس و هێزە ئەمنییەكان بەدواداچوون بۆ ئەو كەیسەكە ناكەن، لەكاتێكدا بەڵگەی پێویستيان لەسەر تیرۆركردنی وەدات خستۆتەڕوو كە دەستی كەسانی بەرپرسی پارێزگاكەی لەپشتە".
لە هەولێر و دهۆك رێگا بە یادی تیرۆركردنی وەدات حسێن نادرێت
رۆژی دوای رووداوەكە، لە بەردەم باخی گشتی لە سلێمانی مەراسیمێك بۆ ئیدانەكردنی شەهید كردنی رۆژنامەنووس وەدات حسێن ساز كراو ئامادەبووان وێڕای ئیدانەكردنی ئەو تاوانە قێزەونە داوای دەستگیركردنی بكەرانی تاوانەكەیان كرد، بەڵام پاش حەوت ساڵ لەتیرۆركردنی تا ئێستا هیچ كەسێك دەستگیرنەكراوە، بەوتەی كەسوكارەكەشی پۆلیسی دهۆك دەڵێت لێكۆڵینەوە لە دۆسییەكە بەردەوامە.
ساڵانە لە سلێمانی مەڕاسیم بۆ یادی تیرۆركردنی رۆژنامەنوس وەدات حسێن سازدەكرێت، بەڵام لەژێر دەسەڵاتی پارتی لە شارەكانی هەولێر و دهۆك رێگا بە یادكردنەوەی نادرێت، لەوبارەیەوە پێشتر سەدات حسێنی برای رۆژنامەنوسی تیرۆركراو لەلێدوانێكیدا بۆ سایتی رەسمی یەكێتیی نیشتمانیی كوردستان PUKMEDIA، رایگەیاندبوو: "بۆ مەڕاسیمی ساڵیادی تیرۆركردنی براكەی لەدهۆك داوای مۆڵەتیان كردووە، بەڵام دەسەڵاتدارانی پارێزگاكە و پارتی دیموكراتی كوردستان رێگەنادەن لەدهۆك ساڵیادی تیرۆركردنی وەدات حسێنی رۆژنامەنوس بكرێتەوە".
ئەمڕۆ 13ی ئابی 2023، حەوت ساڵ بەسەر تیرۆركردنی رۆژنامەنوس وەدات حسێن تێدەپەڕێت كە لە گەڕەكی ماڵتای شاری دهۆك لەلایەن چەند كەسێكی نەناسراوەوە رفێندرا و پاش دوو سەعات لە رفاندنی، بە برینداریی لە رێگای نێوان سیمێل - دهۆك دۆزرایەوە، شوێنەواریی كارەبا و چەقۆ و ئەشكەنجەدانی توند بەلاشەیەوە بوو، پێش گەیاندنیشی بە نەخۆشخانە، گیانی لەدەست دا.
تیرۆرکردنی وەدات پەیامنێرانی بێسنووریشی هێنایەدەنگ
13 پارێزهر بۆ كهیسهكهی وهدات دهچنه دادگای دهۆك
PUKMEDIA
هەواڵی زیاتر
-
ناشادی شێوەکار کۆچی دواییکرد
11:03 PM - 2024-05-07 -
نەوەی نوێ ژێربەژێر لەگەڵ پارتی رێکدەکەوێت و بە ئاشکرا ناوی یەکێتی دەهێنێت
08:24 PM - 2024-05-07 -
ئەندامێکی سەرکردایەتی: پێمان باشە پارتی دادگای فیدراڵی بە مەرجەع دەزانن
11:59 AM - 2024-05-07 -
تیرۆرستێک دەستگیردەکرێت
11:39 PM - 2024-05-06
ئەمانەش ببینە
کوردستان 08:01 PM - 2024-05-07 سەرۆک بافڵ بۆ کیمبەرلی هارینگتۆن: بەرپرسیارانە مامەڵە لەگەڵ وزە دەکەین
هیومان رایتس وۆچ: لهههرێم یاسای ناروون بۆ بێدهنگكردنی رۆژنامهنووس بهكاردههێندرێت
04:20 PM - 2024-05-07
یەکێتی لە دژی سکاڵاکەی مەسرور بارزانی داوایەک ئاڕاستەی دادگای فیدراڵی دەکات
01:58 PM - 2024-05-07
کۆمسیۆن: وەرەقەی دەنگدانی گشتی و تایبەت بۆ هەڵبژاردن چاپدەکرێت
10:38 AM - 2024-05-07
"یەکێتی بە دووساڵی پارێزگار بۆ کەرکوک رازی نابێت و پارتی رازییە"
09:05 PM - 2024-05-06
زۆرترین خوێنراو
-
شاڵاو کۆسرەت رەسوڵ بەشداری لە پرسەی حاجی زبێد کرد
پرسەنامە 08:43 PM - 2024-05-07 -
نەوەی نوێ ژێربەژێر لەگەڵ پارتی رێکدەکەوێت و بە ئاشکرا ناوی یەکێتی دەهێنێت
کوردستان 08:24 PM - 2024-05-07 -
سەرۆک بافڵ بۆ کیمبەرلی هارینگتۆن: بەرپرسیارانە مامەڵە لەگەڵ وزە دەکەین
کوردستان 08:01 PM - 2024-05-07 -
هیومان رایتس وۆچ: لهههرێم یاسای ناروون بۆ بێدهنگكردنی رۆژنامهنووس بهكاردههێندرێت
کوردستان 04:20 PM - 2024-05-07 -
سهعدی پیره: یۆنامی رۆڵی ههبێت لهئهنجامدانی ههڵبژاردن لهكاتی خۆیدا
ی ن ک 03:07 PM - 2024-05-07 -
یەکێتی لە دژی سکاڵاکەی مەسرور بارزانی داوایەک ئاڕاستەی دادگای فیدراڵی دەکات
کوردستان 01:58 PM - 2024-05-07 -
ئەندامێکی سەرکردایەتی: پێمان باشە پارتی دادگای فیدراڵی بە مەرجەع دەزانن
کوردستان 11:59 AM - 2024-05-07 -
کۆمسیۆن: وەرەقەی دەنگدانی گشتی و تایبەت بۆ هەڵبژاردن چاپدەکرێت
کوردستان 10:38 AM - 2024-05-07