دژه‌تیرۆر چاوه‌ڕێی فه‌رمانه‌

دژه‌تیرۆر چاوه‌ڕێی فه‌رمانی ره‌سمی ده‌كات بۆ په‌ڕینه‌وه‌ له‌سنور

هێزه‌كانی دژه‌تیرۆر له‌سه‌ر سنوری رۆژئاوا له‌ ئاماده‌باشی ته‌واودان و چاوه‌ڕیێ فه‌رمانی ره‌سمین بۆ تێپه‌ڕندنی سنورو به‌هاناوه‌چوونی شاری كۆبانێ.

سه‌رچاوه‌یه‌كی تایبه‌ت ئه‌مشه‌و 20-9-2014، به‌ PUKmedia ی راگه‌یاند: دوای ئه‌وه‌ی هێزێكی تایبه‌تی دژه‌ تیرۆر بۆ به‌هاناوه‌چوونی هاووڵاتیانی كۆبانێ له‌ رۆژئاوای كوردستان گه‌یشتنه‌ سه‌ر سنوری رۆژئاوای كوردستان له‌ ئێستادا ئه‌و هێزه‌ی دژه‌تیرۆر له‌ئاماده‌شی ته‌واودان و چاوه‌ڕێی ئه‌وه‌ده‌كه‌ن كه‌ به‌ شێوه‌یه‌كی ره‌سمی فه‌رمانیان پێبكرێت تاكو له‌سه‌ر سنوور بپه‌ڕنه‌وه‌و به‌ره‌و كۆبانێ بڕۆن، بۆ به‌هاناوه‌چوون و هاوكاریكردنی كوردانی رۆژ ئاوا له‌و شاره‌..

جێی ئاماژه‌یه‌، ماوه‌ی هه‌فته‌یه‌ك ده‌بێت تیرۆرستانی داعش به‌ شێوه‌یه‌كی زۆر دڕندانه‌، به‌رده‌وام په‌لاماری شاری كۆبانێ ده‌ده‌ن و هێرشده‌كه‌نه‌ سه‌ر هاووڵاتیانی مه‌ده‌نی و به‌وهۆیه‌شه‌وه‌ ژماه‌یه‌كی زۆر هاووڵاتی كوردی ئه‌و شاره‌ شه‌هیدبوون و ژماره‌یه‌كی تریش ئاواره‌ی سنوره‌كانی توركیا بوون.

بۆ بینینی هه‌وڵه‌كه‌ی پێشووتری PUKmedia كلیكی ئێره‌ بكه‌

PUKmedia تایبه‌ت