riklam

سەرۆک بافڵ: حکومەتی داهاتوو هاوسەنگی و شەراکەتی تێدا پارێزراو بێت

کوردستان 11:52 PM - 2026-06-04
بەشێک لەکۆبونەوەکە راگەیاندنی سەرۆک بافڵ

بەشێک لەکۆبونەوەکە

سەرۆک بافڵ قوباد تاڵەبانی

بافڵ جەلال تاڵەبانی، سەرۆکی یەکێتیی نیشتمانیی کوردستان لە هەولێر لەگەڵ ئانل بۆرا ئینان، باڵیۆزی تورکیا لە عیراق کۆبووەوە.

لە کۆبوونەوەکەدا کە قوباد تاڵەبانی، جێگری سەرۆکوەزیرانی هەرێمی کوردستان و ئه‌رمان تۆپچو، كونسوڵی توركیا له‌ هه‌رێمی کوردستان ئامادەیبوون، دۆخی گشتیی عیراق و ناوچەکە تاوتوێ کرا و جەخت لە هەماهەنگی و هاریکاریی نێوان لایەنەکان بۆ چارەسەرکردنی ئاشتییانەی کێشەکان کرایەوە.

پرسی پێکهێنانی حکومەتی هەرێمی کوردستان خرایەبەر باس و سەرۆک بافڵ دیدگای یەکێتی خستەڕوو و وتی، پێویستە حکومەتی داهاتوو هاوسەنگی و شەراکەتی تێدا پارێزراو بێت.

سەبارەت بە پەیوەندییەکانی هەولێر و بەغداد، سەرۆک بافڵ جەختی لە چارەسەرکردنی کێشەکان لەسەر بنەمای دەستوور کردەوە و رایگەیاند، باشبوونی پەیوەندییەکان رەنگدانەوەی لەسەر دۆخ و خزمەتکردنی خەڵکەکەمان هەبووە و دەمانەوێت ئەوە بەردەوام بێت.

پەیوەست بە دۆخی کەرکوک باڵیۆزی تورکیا ستایشی رۆڵی سەرۆک بافڵ و یەکێتی کرد لە نزیککردنەوەی لایەنەکان و بەهێزکردنی گیانی پێکەوەژیان و رێککەوتنە سیاسییەکانیشی بە هەنگاوێکی گرنگ وەسفکرد بۆ زیاتر خزمەتکردنی شارەکە و قووڵکردنەوەی برایەتی نێوان نەتەوە و پێکهاتەکانی کەرکوک.

لە کۆبوونەوەکەدا پێویستیی پەرەپێدانی پەیوەندییە هاوبەشەکان لە نێوان عیراق و هەرێمی کوردستان لەگەڵ تورکیا لەسەر بنەمای بەرژەوەندی هاوبەش جەختی لەسەر کرایەوە.

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket