ئاگرەکەی سنوری قەرەداغ کۆنتڕۆڵکرا و بکەری رووداوەکەش دەستگیرکرا

راگەیاندنى بەڕێوەبەرایەتی پۆلیسی دارستان و ژینگەی پارێزگای سلێمانی

وێنەیەکى کوژاندنەوەى ئاگرەکە

لە سنورى قەزاى قەرەداغ 50 دۆنم پوش و پاوان و دارستانى سروشتى سوتا و بەڕێوەبەرایەتی پۆلیسی دارستان و ژینگەی پارێزگای سلێمانی رایگەیاند: بکەرى سەرەکى رووداوەکە دەستگیرکرا و ئاگرەکەمان کۆنتڕۆڵکرد.

بەڕێوەبەرایەتی پۆلیسی دارستان و ژینگەی پارێزگای سلێمانی رایگەیاند: پاش ئەوەی زانیاری بەردەستبوو لە بوونی ئاگرێك لەسنوری گوندی (تەنگی سەر ) ی سەر بە قەزای قەرەداغ دەستبەجێ مەفرەزەیەك لە بەشی پۆلیسی دارستان و ژینگەی قەرەداغ گەیشتنە شوێنی روداوەكە و توانرا تەواوی ئاگرەكە كۆنتڕۆڵ بكەن.

ئاماژەی بەوەشدا: رووداوەکە بووە هۆی سوتانی نزیكەی 50 دۆنم پوش و پاوان و دارستانی سروشتی .

ئەوەشی خستەڕوو: دەستكرا بە لێكۆڵینەوە لە هۆكاری کەوتنەوەی ئاگرەکە و لەئەنجامدا توانرا بکەری سەرەکی رووداوەکە دەستگیربکرێت.

PUKMEDIA