تەقینەوەیەک لە دیمەشق کوژراوو برینداری لێکەوتەوە

سوریا الان

شوێنی رووداوەکە

بەرگری شارستانی سووریا رایگەیاندووە، بەھۆی تەقینەوەی ئۆتۆمبێلێکەوە لە ناوچەی "باب شەرقی" لە دیمەشقی پایتەختی سووریا، تا ئێستا کەسێک کوژراوە و چەند کەسێکی تریش بریندار بوون.

سەرچاوەیەک لە بەرگری شارستانی سووریا رایگەیاندووە: ئەمڕۆ سێ شەممە 19-5-2026 لە نزیک فەرمانگەیەکی سەربازی لە ناوچەی "باب شەرقی" لە دیمەشقی پایتەختی سووریا، تەقینەوەیەک روویداوە، کە بەپێی پێشبینییە سەرەتاییەکان سەرچاوەکەی ئۆتۆمبێلێکی بۆمبرێژکراو بووە.

لەلایەکی ترەوە زانیارییەکان ئەوە دەخەنە روو، کە ئۆتۆمبێلەکانی فریاکەوتن و بەرگری شارستانی بەرەو شوێنی تەقینەوەکە بەپەلە کەوتوونەتە رێ، ئەمەش ھاوکات بووە لەگەڵ بڵاوبوونەوەی ھێزە ئەمنییەکان و داخستنی بەشێک لەو رێگایانەی کە دەچنەوە سەر شوێنی رووداوەکە.

زانیارییەکان ئەوەش ئاشکرا دەکەن، کەبەلایەنی کەمەوە کەسێک کوژراوەو 12 کەسیش برینداربوون.

PUKMEDIA